نماز نفل کتاب و سنت کی روشنی میں

تیسری قسم : نماز نفل کی تیسری قسم عمومی نفل نماز ہے ،

جو کہ دن اور رات میں ہر وقت مشروع ہے سوائے ممنوعہ اوقات کے ۔

اور اس کی دو قسمیں ہیں :

(۱) نماز تہجد

1. تہجد کا مفہوم :

لفظ تہجد ’’ ہجد ‘‘ سے ہے ، اور اس کامعنی ہے رات کے وقت سونا اورپھر اٹھ کر نماز پڑھنا ، اور متہجد اس شخص کو کہتے ہیں جو نیند سے بیدار ہو کر نماز کیلئے کھڑا ہو جائے ۔ [ لسان العرب : ۳/۴۳۲ ، القاموس المحیط : ۴۱۸ ]

2. نمازِ تہجد سنت مؤکدہ ہے

اور کتاب اللہ ، سنتِ رسول صلی اللہ علیہ وسلم اور اجماعِ امت سے ثابت ہے ۔

اور نمازِ تہجد کی عظمت کی بناء پراللہ تعالی نے اپنے پیارے نبی حضرت محمد صلی اللہ علیہ وسلم کو حکم دیا :

﴿ يَا أَيُّهَا الْمُزَّمِّلُ ﴿١﴾ قُمِ اللَّيْلَ إِلَّا قَلِيلًا ﴿٢﴾ نِّصْفَهُ أَوِ انقُصْ مِنْهُ قَلِيلًا ﴿٣﴾ أَوْ زِدْ عَلَيْهِ وَرَتِّلِ الْقُرْآنَ تَرْتِيلًا ﴾ [المزمل : ۱۔۴ ]

ترجمہ : ’’ اے کپڑا اوڑھنے والے ! رات کا تھوڑا حصہ چھوڑ کر باقی قیام کیجئے ، رات کا آدھا حصہ یا اس سے کچھ کم کر لیجئے ، اس سے زیادہ کیجئے اور قرآن کو خوب ٹھہر ٹھہر کر پڑھا کیجئے ۔‘‘

اسی طرح فرمایا : ﴿ وَمِنَ اللَّیْلِ فَتَہَجَّدْ بِہٖ نَافِلَۃً لَّکَ عَسٰی أَنْ یَّبْعَثَکَ رَبُّکَ مَقَامًا مَّحْمُوْدًا ﴾ [ الإسراء : ۷۹]

ترجمہ : ’’ اور رات کو تہجد ادا کیجئے ، یہ آپ کیلئے زائد کام ہے ، ممکن ہے کہ آپ کا رب