کو قرار دیا ہے اور بعض نے علی رضی اللہ عنہ کو مقدم کیا ہے اور بعض نے اس مسئلہ میں توقف اختیار کیا ہے لیکن مجموعی طور پر اہل السنۃ والجماعۃ کاموقف تقدیم عثمان رضی اللہ عنہ پر استقرار پاچکا ہے ۔ عبارت کی تشریح …شرح… صحابہ کرام کی فضیلت بیان کرنے کے بعد شیخ ر حمہ اللہ تفاضلِ صحابہ (بعض کا بعض سے افضل ہونا) بیان کررہے ہیں اور اس مسئلہ میں ا ہل السنۃ والجماعۃ کے موقف کو واضح کرنا چاہتے ہیں ۔ چنانچہ فرماتے ہیں: ’’ اہل السنۃ کتاب وسنت اور اجماع سے ثابت شدہ صحابہ کرام کے تفاضل ومراتب قبول کرتے ہیں ‘‘ اجماع سے ،اجماع المسلمین مراد ہے، شیخ رحمہ اللہ نے صحابہ کرام کے فضائل اور مراتب کے اثبات کیلئے ان تین مصادر (کتاب ،سنت،اجماع) کا ذکر کیا ہے کیونکہ فضائل صحابہ کے اثبات کیلئے یہی مصادر ہی کافی ہیں مزید کسی مصدر کی ضرورت نہیں۔ صحابہ، فضیلت میں ایک درجہ پرفائز نہیں ہیں،بلکہ اسلام کی طرف سبقت لے جانے، جہاد کرنے اور ہجرت کے اعتبار سے ان میں تفاضل ہے۔ نبی صلی اللہ علیہ وسلم اوردین کی خدمت کے اعتبار سے بھی ان میں تفاضل موجود ہے ۔ چنانچہ شیخ رحمہ اللہ اس تفاضل کی طرف نشاندھی کرتے ہوئے فرماتے ہیں:’’ ویفضلون من انفق من قبل الفتح وھو صلح الحدیبیۃ‘‘ یعنی’’ اہل السنۃ فتح یعنی صلح حدیبیہ سے پہلے خرچ کرنیوالوں کو فتح کے بعد خرچ کرنیوالوں پر فضیلت دیتے ہیں‘‘ شیخ ر حمہ اللہ نے ’’فتح‘‘سے مراد صلح حدیبیہ لیاہے ،کیونکہ اللہ تعالیٰ نے صلح حدیبیہ کو فتح قرار دیا ہے جیسا کہ اللہ تعالیٰ کا ارشاد ہے :{ اِنَّا فَتَحْنَالَکَ فَتْحًا مُّبِیْنًا } (فتح:۱) |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |