کیونکہ یہ کہتے ہیں کہ بندے افعال کے حقیقتاً فاعل نہیں ہیں، اور افعال کی نسبت جوبندوں کی طرف کی گئی ہے یہ مجازی ہے۔ اس کے بعد شیخ رحمہ اللہ دوسرے گروہ ’’القدریۃ النفاۃ‘‘ پر رد کرتے ہوئے فرماتے ہیں : ’’ واللّٰه خالقھم وخالق افعالھم‘‘ یعنی اللہ تعالیٰ ہی بندوں اور ان کے افعال کا خالق ہے۔ کیونکہ ان کا کہنا ہے کہ افعالِ عباد کا خالق اللہ تعالیٰ نہیں ہے بلکہ عباد خود ہی مستقلاً اپنے افعال کے خالق ہیں اللہ تعالیٰ کی مشیئت اور تقدیر کا اس سے کوئی تعلق نہیں ہے۔ اور جبریہ کا مزید رد کرتے ہو ئے فرماتے ہیں’’ والعبد ھو المؤمن والکافر والبر والفاجر والمصلی والصائم وللعباد قدرۃ علی أعمالھم ولھم إرادۃ‘‘یعنی ’’اللہ تعالیٰ مؤمن، کافر،نیک ، فاجر، نمازی اور صا ئم وغیرہ تمام بندوں کو اپنے اپنے اعمال پر قدرت حاصل ہے اور یہ افعال وہ اپنے ارادے سے کرت ہیں‘‘ یعنی بندے ا پنے ان افعال میں مجبور نہیں ہیں، کیونکہ اگر یہ بات درست ہوتی تو پھران افعال کی بناء پر بندوں کی توصیف قطعاً درست نہ ہوتی ، کیونکہ مجبورشخص کے فعل کی نہ تو اس کی طرف نسبت کی جاتی ہے نہ ہی اس فعل کی وجہ سے اس کی توصیف کی جاتی ہے اور نہ ہی وہ اس فعل پر کسی قسم کے ثواب یاعذاب کا مستحق ہوتاہے۔ شیخ رحمہ اللہ فرقہ ’’قدریہ ،النفاۃ‘‘ کا مزید رد کرتے ہوئے فرماتے ہیں: ’’واللّٰه خالقھم وخالق قدرتھم‘‘ یعنی’’ اللہ تعالیٰ بندوں کا اور ان کی قدرت کا خالق ہے‘‘کیونکہ قدریہ کا زعمِ باطل ہے کہ بندے اللہ تعالیٰ کے ارادے اور مشیئت کے بغیر اپنے افعال کے خود ہی خالق ہیں ۔ (کماتقدم) اسکے بعد شیخ رحمہ اللہ نے ان دونوں گمراہ فرقوں کے رد کیلئے اس آیت سے استدلال کیا ہے: { لِمَنْ شَائَ مِنْکُمْ اَن یَّسْتَقِیْمَ ۔وَمَاتَشَائُ وْنَ اِلاَّ اَنْ یَّشَائَ اللّٰه رَبُّ الْعَالَمِیْنَ } |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |