ترجمہ’’یہ مشرکین (یوں) کہیں گے کہ اگر اللہ تعالیٰ کو منظور ہوتا تو نہ ہم شرک کرتے اور نہ ہی ہمارے باپ دادا اور نہ ہی ہم کسی چیز کو حرام کہہ سکتے‘‘ پس جو بھی اللہ تعالیٰ کے امر ونہی کے معطل ہونے کا عقیدہ رکھے گا اس کاتعلق اسی فرقے سے ہوگا۔ الابلیسیہ:یہ فرقہ دونوں باتوں (شرع و قدر) کا تواقرار کرتے ہیں لیکن اسے اللہ تعالیٰ کی طرف سے تناقض پر محمول کرتے ہیں اور اس کی حکمت وعدل میں طعنہ کرتے ہیں ،اس فرقہ کے پیشوا ’’ابلیس‘‘ سے یہی نظریہ منقول ہے۔ یہاں اہل ضلال کی ہذیان گوئی ذکر کرنا مقصود تھی، جبکہ ان گمراہ فرقوں کے بالمقابل ہدایت اورفلاح پر قائم لوگ دونوں باتوں پر ایمان رکھتے ہیں، یہ اس بات پر ایمان رکھتے ہیں کہ ہر شیٔ کاخالق ،رب اورمالک اللہ تعالیٰ ہے ،اس نے جوچاہا وہی ہوا اور اس نے جو نہ چاہا نہ ہوا اور وہ ہر چیز پر قادر ہے، او ر اس نے علم کے اعتبار سے ہر چیز کا احاطہ کررکھا ہے اور اس نے ہر چیز کو لوحِ محفوظ میں محفوظ کیا ہوا ہے۔ شیخ رحمہ اللہ فرماتے ہیں: ’’وھوسبحانہ یحب المتقین …‘‘ یعنی اللہ تعالیٰ تقویٰ ،احسان اور عدل وانصاف جیسی صفاتِ حمیدہ سے متصف لوگوں سے محبت کرتا ہے اور ایمان دار اور نیک عمل کرنیوالوں سے راضی ہوتا ہے ،اللہ تعالیٰ نے ایمان اور عملِ صالح سے متصف لوگوں سے ا پنی محبت اور رضا کی خبر قرآن کی متعدد آیات میں دی ہے۔ اس کے مقابل جو لوگ کفر، فسق اوردیگر صفات ذمیمہ سے متصف ہیں اللہ تعالیٰ ان سے راضی نہیں ہوتااور نہ ہی اللہ تعالیٰ قبیح قسم کے اقوال وافعال کا حکم فرماتا ہے اور نہ ہی اپنے بندوں کیلئے کفروفساد کو پسند فرماتا ہے ،کیونکہ یہ دونوں کام انتہائی قبیح اور انسانوںاور شہروں کیلئے انتہائی ضرر رساں ہیں۔ |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |