نیز فرمایاـ:{ یُمْسِکُ السَّمٰوَاتِ وَالْأَرْضَ أَنْ تَزُوْلًا } (فاطر:۴۱) ترجمہ:’’( اللہ تعالیٰ)آسمانوں اورزمین کو تھامے ہوئے ہے کہ وہ ٹل نہ جائیں‘‘ نیز فرمایا:{ وَیُمْسِکُ السَّمَائَ أَنْ تَقَعَ عَلَی الْأَرْضِ اِلاّ َبِاِذْنِہٖ } (الحج:۶۵) ترجمہ:’’وہی آسمان کو تھامے ہوئے ہے کہ زمین پر اسکی اجازت کے بغیر گرنہ پڑے‘‘ نیز فرمایا:{ وَمِنْ آیَاتِہٖ أَنْ تَقُوْمَ السَّمَائُ وَالْأَرْضُ بِأَمْرِہٖ } (الروم:۲۵) ترجمہ:’’اس کی ایک نشانی یہ بھی ہے کہ آسمان وزمین اسی کے حکم سے قائم ہیں‘‘ عبارت کی تشریح … شرح … شیخ رحمہ اللہ بیان فرمارہے ہیں کہ اللہ تعالیٰ نے جو اپنے متعلق خبردی ہے کہ وہ عرش پر ہے اور ہمارے ساتھ بھی ہے ،تو اس مسئلہ میں اللہ تعالیٰ نے جو خبردی ہے اس پر ایمان لاناواجب ہے ، اس کی تاویل کرنا اور ظاہری معنی نہ لینا جائز نہیں۔جس طرح کہ جہمیہ اور معتزلہ کرتے ہیں،ان کا زعمِ باطل ہے کہ استواء اور معیۃ حقیقتاً نہیں ہے بلکہ مجازاً ہے،اور’’ استواء علی العرش‘‘ کی تاویل ’’استیلاء علی الملک‘‘ یعنی ملک پر غلبہ سے کرتے ہیں۔اور ’’وعلواللّٰه علی خلقہ‘‘ میں اللہ تعالیٰ کے جس علو یعنی سب سے بلند ہونے کاذکر ہے اس کی تأویل علوِ مرتبہ اور غلبہ سے کرتے ہیں۔ یہ سب تاویلاتِ باطلہ ہیں جو اللہ تعالیٰ کے کلام میںتحریف کو موجب ہیں۔اورکچھ لوگ اللہ تعالیٰ کی صفتِ معیت سے مراد یہ لیتے ہیں کہ اللہ تعالیٰ ہرجگہ میں حلول کیئے ہوئے ہے، یہ حلولیۃ الجھمیۃ کا عقیدہ ہے۔اللہ تعالیٰ ان کے اس عقیدہ باطلہ سے بلند وبالا وپاک ہے۔ مصنف رحمہ اللہ کا قول:’’ ولکن یصان عن ا لظنون الکاذبۃ مثل أن یظن ظاھر قولہ: { فِی السَّمَائِ } أن ا لسما ء تقلہ أو تظلہ‘‘ یعنی بعض لوگ { فِی السَّمَائِ } |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |