اللہ تعالیٰ کے قدم کا جہنم میں رکھنے کا معنی یہ ہے کہ اللہ تعالیٰ نے جہنم سے وعدہ کیا کہ وہ اسے بھرے گا لیکن اس کی وسعت اور گہرائی کی وجہ سے وہ بھرے گی نہیں اور مسلسل مزید کا تقاضا کرے گی ،کیوں کہ اللہ تعالیٰ عدل والا ہے بغیر جرم کے کسی کو جہنم میں ڈالنا اس کے عدل کے خلاف ہے چنانچہ اپنا عہد پورا کرتے ہوئے اپنے قدم ِمبارک کو اس میں رکھے گا۔ اللہ تعالیٰ کے قدم رکھنے سے جہنم کے کنارے سکڑ کر آپس میں ملنے لگے گے اور جہنم میں صرف وہی لوگ رہیں گے جو اس کے مستحق ہیں۔حتی کہ جہنم خود ہی کہنے لگے گی: بس کردیا جائے ،اتنے ہی لوگ کافی ہیں۔ حدیث سے شاہد: اس حدیث میںاللہ تعالیٰ کیلئے قدم کااثبات ہے، قدم اللہ تعالیٰ کیلئے ثابت ہے جیسا کہ اس کے لا ئقِ شان ہے۔اور یہ اللہ تعالیٰ کی صفتِ ذاتیہ ہے جیسا کہ اللہ تعالیٰ کا چہرہ اور ہاتھ۔ معطلہ اس حدیث کی تفسیر میں بھی الحاد کاشکار ہوگئے، چنانچہ انہوں نے ’’قدم‘‘ کا معنی ایک طرح کی مخلوق کیا ہے اور ’’رِجْل‘‘ سے مرادلوگوں کی جماعت لیتے ہیں۔ معطلہ کی یہ تفسیر سراسر غلط اور باطل ہے کیونکہ نبی صلی اللہ علیہ وسلم نے قدم رکھنے کا ذکر کیا ہے قدم ڈالنے کا نہیں ،جس طرح کہ حدیث کے شروع میں جہنمیوں کے جہنم میں ڈالنے ذکر کیا ہے ۔ پھر لفظ ’’القدم‘‘ کی تفسیر ’’القوم‘‘(لوگوں کی جماعت)سے کرنا درست نہیں ہے کیونکہ ’’القدم‘‘ کا معنی ’’القوم‘‘ نہ حقیقی معنی ہے اور نہ ہی مجازی معنی۔ |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |