… شر ح … رسول اللہ صلی اللہ علیہ وسلم نے اپنی احادیث میں اللہ تعالیٰ کیلئے جن صفات کا اثبات فرمایا ہے ان پر ایمان لانا واجب ہے جس طرح ان صفات پرایمان لانا واجب ہے جنہیں اللہ تعالیٰ نے اپنی ذات کیلئے قرآن مجید میں بیان فرمایا ہے،کیونکہ رسول اللہ صلی اللہ علیہ وسلم کا فرمان درحقیقت وحی إلٰہی ہے، جیساکہ اللہ تعالیٰ کا فرمان ہے: { وَمَا یَنْظِقُ عَنِ الْھَوٰی اِنْ ھُوَ اِلاَّ وَحْیٌ یُّوْحٰی } (النجم:۳،۴) ترجمہ’’ آپ اپنی خواہش سے گفتگونہیں فرماتے ،آپ ( صلی اللہ علیہ وسلم ) کی گفتگومحض وحی ہوتی ہے‘‘ نیز اللہ تعالیٰ کافرمان:{ وَاَنْزَلَ اللّٰه عَلَیْکَ الْکِتَابَ وَالْحِکْمَۃَ } ترجمہ’’ اور اللہ نے آپ( صلی اللہ علیہ وسلم ) پر کتاب و حکمت کو نازل فرمایا‘‘ اس آیت کریمہ میںکتاب سے مراد قرآن،اور حکمت سے مراد سنت ہے، لہذا قرآن کی طرح سنت میںوارد احکامات کو ماننا بھی واجب ہے، خاص کر اعتقاد ی مسائل (کیونکہ یہ تو اصل دین ہیں) اللہ تعالیٰ کافرمان ہے: { وَمَاآتَاکُمُ الرَّسُوْلُ فَخُذُوْہُ وَمَانَھَاکُمْ عَنْہُ فَانْتَھُوا } (الحشر:۷) ترجمہ:’’ اور جو کچھ تمہیں رسول نے دیا اس کو لے لو اور جس سے انہوں نے روک دیا اس سے رک جاؤ‘‘ البتہ قبولِ حدیث کیلئے ضروری ہے کہ وہ حدیث رسول اللہ صلی اللہ علیہ وسلم سے ثابت ہو،اس لئے شیخ رحمہ اللہ نے الاحادیث الصحاح (یعنی صحیح احادیث) کا لفظ استعمال کیا ہے ۔ محدثین کے نزدیک حدیثِ صحیح وہ ہے جس میں درج ذیل پانچ شروط جمع ہوں : (۱) تمام راوی عادل ہوں۔ (۲) تمام راوی ضابط ہوں۔ |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |