مقالات توحید

چھٹا مقالہ : ردِّ شرک

اللہ تعالیٰ کا فرمان گرامی ہے:

﴿اِنَّ اللّٰہَ لَا یَغْفِرُ اَنْ یُّشْرَکَ بِہٖ وَیَغْفِرُ مَا دُوْنَ ذٰلِکَ لِمَنْ یَّشَآ ئُ ﴾ [النساء]

’’اللہ بس شرک ہی کو معاف نہیں کرتا، اس سے کم دوسرے جس گناہ کووہ چاہتا ہے، معاف کر دیتا ہے۔‘‘

شرک کیا ہے ؟

بے شک شرک سب سے بڑا گناہ ہے ؛اور شرک یہ ہے کہ انسان اللہ تعالیٰ کی ذات و صفات اور افعال میں اس کے ساتھ کسی کو شریک ٹھہرائے ؛ فرمان الٰہی ہے:

﴿وَ مَنْ یُّشْرِکْ بِاللّٰہِ فَقَدِ افْتَرٰٓی اِثْمًا عَظِیْمًا﴾ [النساء48]

’’اور جو اللہ تعالیٰ کے ساتھ شریک بنائے اس نے بہت بڑا گناہ اور بہتان باندھا۔‘‘

حضرت عبد اللہ بن مسعود رضی اللہ عنہ فرماتے ہیں :

میں نے عرض کیا : یارسول اللہ ! سب سے بڑا گناہ کون ساہے ؟۔ آپ نے فرمایا: ’’ یہ کہ تم اللہ تعالیٰ کے ساتھ کسی کو شریک ٹھہراؤ حالانکہ اسی نے تمہیں پیدا کیا ہے ۔‘‘ [متفق علیہ]

اللہ تعالیٰ کے ساتھ کسی غیر کی عبادت کرنے یااللہ تعالیٰ کو چھوڑ کر غیر اللہ کی عبادت کرنے کو شرک کہتے ہیں ۔ اللہ تعالیٰ فرماتے ہیں :

﴿وَمَنْ یَّدْعُ مَعَ اللّٰہِ اِلٰہًا آخَرَ لَا بُرْہَانَ لَہٗ بِہٖ فَاِنَّمَا حِسَابُہُ عِنْدَ رَبِّہٖ اِنَّہُ لَا یُفْلِحُ الْکٰفِرُوْنَ﴾۔ [المؤمنون117]

’’جو شخص اللہ تعالیٰ کے ساتھ کسی دوسرے معبود کو پکارے جس کی کوئی دلیل اس کے پاس نہیں ، پس اس کا حساب تو اس کے رب کے اوپر ہی ہے۔بیشک