| تیسری حدیث : حضرت نعیم بن ھمار رضی اللہ عنہ بیان کرتے ہیں کہ رسول اللہ صلی اللہ علیہ وسلم نے ارشاد فرمایا : ( یَقُوْلُ اللّٰہُ عَزَّ وَجَلَّ : یَا ابْنَ آدَمَ ! لاَ تُعْجِزْنِیْ مِنْ أَرْبَعِ رَکْعَاتٍ فِیْ أَوَّلِ النَّہَارِ ، أَکْفِکَ آخِرَہُ ) ترجمہ : ’’ اللہ تعالی فرماتاہے : اے ابن آدم ! تم دن کے اول حصے میں چار رکعات مت چھوڑو ، میں دن کے آخری حصے میں تمہیں کافی ہو جاؤنگا ‘‘ [ ابو داؤد : ۱۲۸۹ ۔ وصححہ الألبانی ] چوتھی حدیث : حضرت ابو الدرداء رضی اللہ عنہ اور حضرت ابو ذر رضی اللہ عنہ دونوں بیان کرتے ہیں کہ رسول اللہ صلی اللہ علیہ وسلم نے ارشاد فرمایا کہ اللہ تعالی فرماتا ہے: (اِبْنَ آدَمَ ! اِرْکَعْ لِیْ أَرْبَعَ رَکْعَاتٍ مِنْ أَوَّلِ النَّہَارِ ، أَکْفِکَ آخِرَہُ ) ترجمہ : ’’ اے ابن آدم ! تم دن کے اول حصے میں چار رکعات پڑھا کرو ، میں دن کے آخری حصے میں تمہیں کافی ہو جاؤنگا ۔‘‘ [ الترمذی :۴۷۵ ۔ وصححہ الألبانی ] پانچویں حدیث : حضرت انس رضی اللہ عنہ فجر کے بعد مسجد میں بیٹھے رہنے اور سورج کے بلند ہونے کے بعد نمازِ ِچاشت کے پڑھنے کی فضیلت بیان کرتے ہوئے کہتے ہیں کہ رسول اللہ صلی اللہ علیہ وسلم نے ارشاد فرمایا : ( مَنْ صَلّٰی الْفَجْرَ فِیْ جَمَاعَۃٍ ، ثُمَّ قَعَدَ یَذْکُرُ اللّٰہَ حَتّٰی تَطْلُعَ الشَّمْسُ ، ثُمَّ صَلّٰی رَکْعَتَیْنِ ، کَانَتْ لَہُ کَأَجْرِ حَجَّۃٍ وَعُمْرَۃٍ تَامَّۃٍ تَامَّۃٍ تَامَّۃٍ ) ترجمہ : ’’ جس شخص نے نمازِ فجر باجماعت ادا کی ، پھر طلوعِ آفتاب تک بیٹھا اللہ کا ذکر کرتا رہا ، پھر دو رکعتیں پڑھیں ، تو اسے یقینی طور پر مکمل حج وعمرہ کا ثواب ملے گا ۔‘‘ [ الترمذی : ۵۸۶ ۔ وصححہ الألبانی ، اور میں نے امام ابن باز رحمۃ اللہ علیہ سے سنا کہ انہوں نے |