شرعی احکام کی خلاف ورزی پر رسول اللہ صلی اللہ علیہ وسلم کے فیصلے

جزیہ کے متعلق رسول اللہ صلی اللہ علیہ وسلم کا فیصلہ اللہ تعالیٰ کے حکم سے ہوتا ہے جزیہ کی مقدار کتنی ہے اور وہ کس سے قبول کیاجاتاہے اور کس سے قبول نہیں کیاجاتا صرف اسلام ہی قبول ہوتاہے

ابن حبیب نے کہا شروع شروع میں اللہ تعالیٰ نے اپنے رسول صلی اللہ علیہ وسلم کوصرف اسلام کی دعوت دے کربھیجا اس میں جنگ یا جزیہ نہیں تھا،پھر آپ صلی اللہ علیہ وسلم نبوت کے بعد دس سال تک مکہ میں رہے،اس دوران آپ کوکفار سے اپنے ہاتھوں کوروکنے اور بند رکھنے کاحکم تھا پھر اللہ تعالیٰ نے یہ آیت نازل فرمادی :

﴿أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا ۚ وَإِنَّ اللّٰهَ عَلَىٰ نَصْرِهِمْ لَقَدِيرٌ﴾ (سورۃ الحج: 39)

مسلمانوں سے جنگ کی جاتی ہے انہیں بھی جنگ کی اجازت دی جاتی ہے اور اللہ تعالیٰ ان کی مدد کرنے پر قادر ہے۔

اس آیت میں اللہ تعالیٰ نے یہ حکم دیاہے کہ جوکوئی تم سے جنگ کرے،ا س سے جنگ کرو اور جوآدمی تم سے جنگ نہ کرے اس سے جنگ نہ کرو،چنانچہ اللہ تعالیٰ نے فرمایا :

﴿فَإِنِ اعْتَزَلُوكُمْ فَلَمْ يُقَاتِلُوكُمْ وَأَلْقَوْا إِلَيْكُمُ السَّلَمَ فَمَا جَعَلَ اللّٰهُ لَكُمْ عَلَيْهِمْ سَبِيلًا ﴾ (النساء: 90)

اگر وہ تم سے دور رہیں اور جنگ نہ کریں اور تمہاری طرف صلح کا پیغام بھیجیں تو اللہ تعالیٰ نے تمہارے لیے ان پر کوئی راستہ نہیں رکھا۔

پھر سن آٹھ ہجری سورۂ براء یہ حکم لے کر نازل ہوئی جوبھی عرب مسلمان نہیں ہوتا اس سے جنگ کی جائے وہ جنگ کرے یا جنگ نہ کرے مگر جن لوگوں نے آپ سے جنگ نہ کرنے کا معاہدہ کیا اور اپنے وعدہ کا پاس رکھا اور اس کے خلاف ورزی بالکل نہیں کی تو