|
جب اس سے روبرو ملاقات کی گھڑی آئے تو اُس سے ملاقات کا شوق اسی سے محبت کی علامت اور نشانی ہے پھر جو کام کریں اس طرح کریں کہ اس کو خوش کر دیں انسان دُھن میں لگا ہو تو کسی کو بتانے کی ضرورت نہیں ہوتی ہے خود ہی دُھن میں لگا رہتا ہے دھیان اسی میں لگا رہتا ہے اور ایسے ایسے کام بھی کرتا ہے جو محبوب نے فرض اور لازم نہیں کئے جو فرض کئے وہ تو بجالاتا ہے مگر جو فرض نہیں کئے اُنکے پیچھے بھی لگا رہتا ہے کہ اس سے بڑھ کر تو قربت کا کوئی ذریعہ ہی نہیں کہاں سے کس طرح، کون سا ایسا موقع مل جائے جس سے اُس کو خوش کر دوں اور اس کے قریب ہوتا چلا جاؤں۔
محبت کی نشانیاں
یہ سب محبت کی وہ علامتیں ہیں جو سب جانتے ہیں دل میں ایک آگ لگ جاتی ہے اور اس آگ کے اندر سب تعلقات بھی بھسم ہو جاتے ہیں ایک ہی تعلق طاری رہتا ہے اور دل کے اُوپر چھا جاتا ہے۔
یہ سب نشانیاں آپ جانتے ہیں اس کی میزان میں رکھ کے اپنے دل کو تول سکتے ہیں اس کی ملاقات، اُس کا ذکر، اُس کی یاد اُس کی رضا، اُس کی خوشنودی کی کوشش زندگی کے اندر کتنی ہے خود اپنے اندر پید اکریں؟ جو ساتھی آپکے ساتھ چل رہے ہیں دوہوں چار ہوں یا جتنے بھی ان کے اندر پیدا کریں آپکا اور آپ کے کام کا نقشہ بدل جائیگا وہی کام جو آپ ٹہل ٹہل کر کرتے ہیں وہ دوڑ دوڑ کر کریں گے وہی زبانیں جو دعوت کیلئے نہیں کھلتیں وہ کھلنے لگیں گی اس لئے کہ پھر میں خود زبان بن جاتا ہوں وہی پاؤں جو اب نہیں اُٹھتے وہ اُٹھنے لگیں گے اس لیے کہ وہ پاؤں میں خود بن جاتا ہوں وہی ہاتھ جو کام نہیں کرتے وہ کام کرنے لگیں گے اس لیے کہ وہ ہاتھ میں خود بن جاتا ہوں یہی وہ مقام ہے جب آدمی دوڑ دوڑ کے اس کیلئے کام کرتا ہے ایک مختصر سی دُعا حدیث میں آتی ہے کہ
رب اجعلنی لک ذکار الک شکارا لک رھابا لک مطواعا لک مطیعا الیک مخبتا الیک اوھا منیبا …(ترمذی عن ابن عباس رضی اللہ عنہ )
|