شرعی احکام کی خلاف ورزی پر رسول اللہ صلی اللہ علیہ وسلم کے فیصلے

میں بھی بشر ہوں اور میرےپاس دوجھگڑالوآتے ہیں شاید کہ ان میں سے ایک دوسرے سے زیادہ فصیح وبلیغ ہوتواس کوحق پر سچا سمجھ کر اس کےحق میں اس چیز کافیصلہ دے دوں اور جس کے لیے میں اس کے بھائی کے مال سے کچھ فیصلہ کر دوں تو وہ اس کا کوئی حصہ بھی نہ لے کیونکہ اس طرح میں اس کےلیے آگ کا ایک ٹکڑا کاٹ کر دے رہاہوں ۔

بخاری کی ایک اور حدیث میں ہے کہ آپ صلی اللہ علیہ وسلم نے فرمایا:

"فَمَنْ قَضَيْتُ لَهُ بِحَقِّ مُسْلِمٍ،فَإِنَّمَا هِيَ قِطْعَةٌ مِنَ النَّارِ فَلْيَأْخُذْهَا أَوْ لِيَدَعْهَا" [1]

کہ میں جس کے لیے اس کے مسلمان بھائی کے متعلق فیصلہ کردوں تو یقیناً یہ آگ کا ٹکڑا ہوگا،چاہے وہ اسے لے لے یاچھوڑڈے۔

ابوداود میں سیدنا علی رضی اللہ عنہ سے روایت ہے کہ مجھے نبی صلی اللہ علیہ نے یمن کی طرف بھیجا،میں نے کہا اے اللہ کے رسول آپ مجھے بھیج رہے ہیں حالانکہ میں نوعمر ہوں مجھے فیصلہ کرنے کا کوئی علم نہیں توآپ صلی اللہ علیہ وسلم نے فرمایا :

"إِنَّ اللّٰهَ عَزَّ وَجَلَّ سَيَهْدِي قَلْبَكَ , وَيُثَبِّتُ لِسَانَكَ؛ فَإِذَا قَعَدَ بَيْنَ يَدَيْكَ الْخَصْمَانِ فَلَا تَقْضِيَنَّ حَتَّى تَسْمَعَ مِنَ الْآخَرِ , كَمَا سَمِعْتَ مِنَ الْأَوَّلِ؛ فَإِنَّهُ أَحْرَى أَنْ يَتَبَيَّنَ لَكَ الْقَضَاءَ "

اللہ تعالیٰ تیرے دل کوہدایت دے گا اور تیری زبان کو ثابت رکھے گا جب تیرے سامنے دوجھگڑا لوبیٹھیں توجب تک تودوسرے سے بات نہ سن لے اس وقت تک فیصلہ نہ کرنا کیونکہ اس طرح تیرے لیے فیصلہ کرنا واضح ہوجائے گا۔