قاسم امام مالک رحمہ اللہ سے نقل فرماتے ہیں :ایک شخص خواہ کتنا بڑا عالم وفاضل ہو، ضروری نہیں کہ اس کے ہرقول کو ماناجائے؛کیونکہ اللہ تعالیٰ نے فرمایا ہے:[الَّذِيْنَ يَسْتَمِعُوْنَ الْقَوْلَ فَيَتَّبِعُوْنَ اَحْسَنَہٗ۰ۭ ]یعنی: بشارت کے مستحق تو وہ لوگ ہیں جو (سب کی) بات سن لیتے ہیں،مگر اتباع صرف احسن کی کرتے ہیں۔[1] پھر جوشخص اپنے واجبات کو جانتا پہچانتا ہے،مگر مستحبات پر عمل کرنے اور شبہات سے دور رہنے میں کوتاہی برتتا ہے،وہ اپنے اسلام میں برائی پیداکرنے کا مرتکب ہو جاتا ہے؛کیونکہ اس نے لایعنی اوربے مقصد کاموں پر توجہ دے ڈالی،ایسا شخص اس قابل نہیں ہوتا کہ اس کا شمار اللہ تعالیٰ کے اولیاء اور اس کے متقی بندوں میں کیاجاسکے، نہ ہی اللہ رب العزت کے سابقین اورمقربین جماعت میں داخل کئے جانے کے لائق ہوپاتاہے۔ (۲)امام شاطبی رحمہ اللہ کسی کہنے والے کاایک قول ذکر فرماکر اس کا بطلان پیش کرتے ہیں،قول یہ ہے (جب آپ پر دومسئلے متعارض ہوجائیں توکسی ایک کو اختیار کرلیں)اس قول کی تردید کرتے ہوئے امام شاطبی فرماتے ہیں:ائمہ کی تقلید کرنے والوںکو ہم نے کبھی اختیار دیا ہے کہ وہ متعارض اقوال میں،اپنے نزدیک سب سے عمدہ قول کو منتخب کرلیں،دریں صورت تو وہ سوائے اپنی خواہشات کی پیروی کے اور کچھ نہ کرسکیں گے،اور یہ مقصدِ شریعت کے سراسرخلاف ہے،لہذا اختیار دینے والا قول قطعاً صحیح نہیں ہے ۔[2] اس کے برعکس ایک مسلمان کا فرضِ منصبی تو یہ ہے کہ وہ معرفت حق کیلئے پوری پوری کوشش کرے،جس کی صورت یہ ہے کہ وہ دلائل کامقدوربھر گہری نظر سے جائزہ |
Book Name | چہرے اور ہاتھوں کا پردہ |
Writer | فضیلۃ الشیخ علی بن عبداللہ النمی |
Publisher | مکتبۃ عبداللہ بن سلام لترجمۃ کتب الاسلام |
Publish Year | |
Translator | فضیلۃ الشیخ عبداللہ ناصر رحمانی |
Volume | ایک جلد |
Number of Pages | 222 |
Introduction | زیر نظر کتاب علی بن عبداللہ النمی کی تالیف ہے اور اس کا اردو ترجمہ فضیلۃ الشیخ عبداللہ ناصر رحمانی صاحب حفظہ اللہ نے کیا ہے، اس کتاب میں خواتین کے پردے کے حوالے سے سیر حاصل بحث کی گئی ہے، اس میں ایسے تمام شبہات کا تعاقب کیا گیا ہے جن پر ان لوگوں کا اعتماد تھا جو مسلم خاتون کو بے پردگی کی دعوت دینے میں کوشاں و حریص ہیں،کتاب بنیادی طور پر دو ابواب میں منقسم ہے ، ایک باب میں ان شبہات کا جائزہ لیا گیا ہے جو چہرے کے پردے سے متعلق ہیں اور دوسرا باب ہاتھوں کے ڈھانپنے کے وجوب سے متعلق شہبات کے ازالے پر مشتمل ہے۔ |