امام ابن القیم رحمہ اللہ فرماتے ہیں: رسول اللہ صلی اللہ علیہ وسلم نے،عبداللہ بن عمرکی حدیث میں جو محرم عورت کو نقاب کرنے اوردستانے پہننے سے روکا ہے،وہ اس بات کی دلیل ہے کہ عورت کاچہرہ ،مرد کے بدن کا حکم رکھتا ہے،نہ کہ اس کے سَرکا،چنانچہ عورت کیلئے بحالتِ احرام اس نقاب یابرقعہ کا استعمال ممنوع ہے،جس کی سلائی چہرے کے ناپ سے ہو،لیکن بوقتِ ضرورت چادر وغیرہ سے چہرے کا ڈھانپنا ناجائز نہیں ہے ،مزید فرماتے ہیں: اسماء رضی اللہ عنہا بحالتِ احرام اپنا چہرہ ڈھانپا کرتی تھیں ۔ جہاں تک حدیث :(مردکااحرام اس کے سرمیں اور عورت کا اس کے چہرے میں ہے)کاتعلق ہے تو ابن القیم رحمہ اللہ فرماتے ہیں: اس حدیث کا کوئی اصل نہیں ہے،کتبِ معتمدہ میں سے کسی میںمذکور نہیں ہے،نہ ہی اس کی کوئی سند معلوم ہوئی ہے،یہ قطعی ناقابلِ استدلال ہے،تو اِس حدیث کی خاطر اُس حدیث کو کیونکر چھوڑاجاسکتا ہے جس کی دلالت یہ ہے کہ عورت کے چہرے کاحکم اس کے بدن جیسا ہے اور یہ کہ احرام کی حالت میں عورت اس کپڑے کو استعمال نہیں کرسکتی جو کسی خاص عضو کیلئے تیار کیا گیا ہو، جیسے :چہرہ کانقاب اورجیسےہاتھوں کے دستانے وغیرہ،لیکن حالتِ احرام میں مطلقاً پردہ کرنا ناجائز نہیں ہے، واللہ اعلم۔[1] بیسواں شبہ کچھ لوگوںنے قریبہ نامی ایک خاتون کی روایت سے استدلال کیا ہے، وہ اپنی والدہ سے نقل کرتی ہیں کہ وہ رسول اللہ صلی اللہ علیہ وسلم کے پاس آئیں اورکہا:یارسول اللہ ! آگ ۔تورسول اللہ صلی اللہ علیہ وسلم نے پوچھا:تمہاری حاجت کیا ہے؟اس نے اپنے معاملے کی خبر دی ،اس وقت وہ چہرے پر نقاب کئے ہوئے تھی، توآپصلی اللہ علیہ وسلم نے فرمایا: اے اللہ |
Book Name | چہرے اور ہاتھوں کا پردہ |
Writer | فضیلۃ الشیخ علی بن عبداللہ النمی |
Publisher | مکتبۃ عبداللہ بن سلام لترجمۃ کتب الاسلام |
Publish Year | |
Translator | فضیلۃ الشیخ عبداللہ ناصر رحمانی |
Volume | ایک جلد |
Number of Pages | 222 |
Introduction | زیر نظر کتاب علی بن عبداللہ النمی کی تالیف ہے اور اس کا اردو ترجمہ فضیلۃ الشیخ عبداللہ ناصر رحمانی صاحب حفظہ اللہ نے کیا ہے، اس کتاب میں خواتین کے پردے کے حوالے سے سیر حاصل بحث کی گئی ہے، اس میں ایسے تمام شبہات کا تعاقب کیا گیا ہے جن پر ان لوگوں کا اعتماد تھا جو مسلم خاتون کو بے پردگی کی دعوت دینے میں کوشاں و حریص ہیں،کتاب بنیادی طور پر دو ابواب میں منقسم ہے ، ایک باب میں ان شبہات کا جائزہ لیا گیا ہے جو چہرے کے پردے سے متعلق ہیں اور دوسرا باب ہاتھوں کے ڈھانپنے کے وجوب سے متعلق شہبات کے ازالے پر مشتمل ہے۔ |