امام شاطبی رحمہ اللہ نے رسول اللہ صلی اللہ علیہ وسلم سے مروی ایک فرمان نقل فرمایا ہے، آپ صلی اللہ علیہ وسلم فرماتے ہیں:میں اپنے بعد اپنی امت پر تین چیزوں سے ڈرتاہوں،صحابہ کرام نے پوچھا:یارسول اللہ صلی اللہ علیہ وسلم وہ کیاہیں؟توآپ صلی اللہ علیہ وسلم نے فرمایا: میں عالم کی لغزش ،ظالم کے فیصلے اورایسے شخص کی خواہش یا بدعت سے ڈرتاہوں جس کی بات مانی جاتی ہو۔[1] امام شاطبی نے یہ باتیں امیرالمؤمنین عمر،ابودرداء اور سلمان فارسی رضی اللہ عنہم کے قول سے بھی نقل فرمائی ہیں،معاذ بن جبل رضی اللہ عنہ اپنے خطبہ میں اکثر فرمایا کرتے تھے: عالم کی غلطی سے بچو،عبداللہ بن عباسرضی اللہ عنہماکا قول ہے: ان لوگوں کیلئے ہلاکت ہے جو عالم کی غلطی کے باوجود اس کی پیروی کرتے ہیں۔ مجاہد،حَکم بن عتیبہ اور امام مالک رحمھم اللہ فرمایا کرتے تھے: اللہ تعالیٰ کی مخلوق میں ہر شخص کی بات لی بھی جاسکتی ہے اورچھوڑی بھی جاسکتی ہے،سوائے نبی صلی اللہ علیہ وسلم کے۔ امام شاطبی فرماتے ہیں:یہ تمام اقوال اور اس قسم کے دیگر اقوال،اس بات کی دلیل ہیں کہ عالم کی غلطی سے چوکنا رہنے کی ضرورت ہے،اکثر اس غلطی کا ارتکاب اس وقت ہوتا ہے جب وہ اپنے اجتہادی امر میں شریعت کے مقاصد سے غفلت کا شکار ہوجائے۔[2] جن اساطینِ علم نے اپنے کندھوں پر،شریعت پر وارد ہونے والے شبہات کے ازالہ کی ذمہ داری اٹھارکھی ہے،انہوں نے چہرے کی بے پردگی کے قائلین پر علمی رد قائم کرکے ان کی گرفت میں کوئی کسر نہیں اٹھارکھی،ان کے اس تعاقب میں وہ علم ہے جو ہرپیاسے کی سیرابی اورہر مریض کی شفاء کاذریعہ بن سکتاہے،ان کی اس مسلسل اور |
Book Name | چہرے اور ہاتھوں کا پردہ |
Writer | فضیلۃ الشیخ علی بن عبداللہ النمی |
Publisher | مکتبۃ عبداللہ بن سلام لترجمۃ کتب الاسلام |
Publish Year | |
Translator | فضیلۃ الشیخ عبداللہ ناصر رحمانی |
Volume | ایک جلد |
Number of Pages | 222 |
Introduction | زیر نظر کتاب علی بن عبداللہ النمی کی تالیف ہے اور اس کا اردو ترجمہ فضیلۃ الشیخ عبداللہ ناصر رحمانی صاحب حفظہ اللہ نے کیا ہے، اس کتاب میں خواتین کے پردے کے حوالے سے سیر حاصل بحث کی گئی ہے، اس میں ایسے تمام شبہات کا تعاقب کیا گیا ہے جن پر ان لوگوں کا اعتماد تھا جو مسلم خاتون کو بے پردگی کی دعوت دینے میں کوشاں و حریص ہیں،کتاب بنیادی طور پر دو ابواب میں منقسم ہے ، ایک باب میں ان شبہات کا جائزہ لیا گیا ہے جو چہرے کے پردے سے متعلق ہیں اور دوسرا باب ہاتھوں کے ڈھانپنے کے وجوب سے متعلق شہبات کے ازالے پر مشتمل ہے۔ |