حج وعمرہ کی آسانیاں

شفقت ہے۔ اگر خطا کی صورت میں انہیں دوبارہ (حج) کرنے کا حکم دیا جاتا، تو دوبارہ (بھی) غلطی کا امکان ہوتا اور اسی طرح تیسری اور چوتھی مرتبہ بھی، کیونکہ جس (فیصلے) کا انحصار (انسانی) کوشش پر ہو، اس میں غلطی سے بچنے کی ضمانت نہیں۔‘‘

ب: امام ترمذی نے پہلی حدیث پر درج ذیل عنوان تحریر کیا ہے:

[بَابُ مَا جَائَ أَنَّ الْفِطْرَ یَوْمَ تُفْطِرُوْنَ وَالْأَضْحٰی یَوْمَ تُضَحُّوْنَ] [1]

’’روزہ چھوڑنے (کا دن) تمہارے روزہ چھوڑنے کے دن اور قربانی (کا دن) تمہارے قربانی کرنے کے دن، کے بارے میں جو کچھ آیا ہے، اس کے متعلق باب‘‘

ج: علامہ قرطبی ارشاد باری تعالی: {وَمَا جَعَلَ عَلَیْکُمْ فِی الدِّیْنِ مِنْ حَرَجٍ} [2] کی تفسیر میں لکھتے ہیں:

’’وَرُوِیَ عَنِ ابْنِ عَبَّاسٍ رضی اللّٰه عنہما وَالْحَسَنِ الْبَصَرِيِّ أَنَّ ہٰذِہِ فِيْ تَقْدِیْمِ الْأَہِلَّۃِ وَتَأْخِیْرِہَا فِيْ الْفِطْرِ وَالْأَضْحَی وَالصَّوْمِ۔ فَإِذَا أَخْطَأَتِ الْجَمَاعَۃُ ہِلَالَ ذِیْ الْحَجَّۃِ، فَوَقَفُوْا قَبْلَ یَوْمِ عَرَفَۃَ بِیَوْمٍ أَوْ وَقَفُوْا یَوْمَ النَّحْرِ أَجْزَأَہُمْ۔‘‘[3]

’’ابن عباس رضی اللہ عنہما اور حسن بصری سے روایت نقل کی گئی ہے، کہ یہ روزہ چھوڑنے قربانی اور روزہ رکھنے میں چاند (دیکھنے) میں تقدیم و تاخیر (کی