کرنے والے حضرات و خواتین کے لیے عظیم آسانی ہے۔
۴: غروبِ آفتاب کے بعد کنکریاں مارنا:
حج کی آسانیوں میں سے ایک غروبِ آفتاب کے بعد کنکریاں مارنے کا جواز ہے۔ توفیقِ الٰہی سے ذیل میں اس سلسلے میں تین روایات پیش کی جارہی ہیں:
ا: امام بخاری نے حضرت ابن عباس رضی اللہ عنہما سے روایت نقل کی ہے، کہ انہوں نے بیان کیا:
’’قربانی کے دن منیٰ میں نبی کریم صلی اللہ علیہ وسلم سے سوال کیا جاتا، تو رسول اللہ صلی اللہ علیہ وسلم فرماتے: ’’کچھ مضایقہ نہیں۔‘‘
ایک شخص نے آنحضرت صلی اللہ علیہ وسلم سے پوچھا:
’’حَلَقْتُ قَبْلَ أَنْ أَذْبَحَ۔‘‘
’’میں نے ذبح کرنے سے پیشتر سر مونڈلیا ہے۔‘‘
آنحضرت صلی اللہ علیہ وسلم نے فرمایا:
’’اِذْبَحْ وَلَا حَرَجَ۔‘‘
’’ذبح کرو اور (جو کچھ کرچکے ہو، اس میں) کچھ مضائقہ نہیں۔‘‘
اور اس نے عرض کیا:
’’رَمَیْتُ بَعْدَ مَا أَمْسَیْتُ۔‘‘
’’میں نے شام کے بعد کنکریاں ماریں۔‘‘
تو آنحضرت صلی اللہ علیہ وسلم نے فرمایا:
’’لَا حَرَجَ۔‘‘[1]
|