Maktaba Wahhabi

تفسير سورۂ الصافات

مؤلف: ارشاد الحق اثری

ناشر: ادارۃ العلوم الاثریہ

سال شائع: دسمبر 2016ء

380
کی دعوت دی، میں آپ کے ہمراہ تھا، درزی نے روٹی کے ساتھ گوشت اور کدو کا شوربا پیش کیا۔ میں نے دیکھا کہ آپ برتن میں سے کدو کو لے کر تناول فرما رہے ہیں۔ اسی روز سے میں کدو کو پسند کرتا ہوں کہ یہ آپ صلی اللہ علیہ وسلم کی پسند تھی۔[1] حضرت انس رضی اللہ عنہ فرماتے ہیں کہ رسول اللہ صلی اللہ علیہ وسلم کو کدو مرغوب تھا، ایک دعوت میں کدو کے قتلے ڈھونڈ کر میں رسول اللہ صلی اللہ علیہ وسلم کے سامنے کر دیتا تھا۔[2] جب قوت بحال ہوئی تو پھر قوم کی رہنمائی کے لیے جانے کا حکم فرمایا: ﴿وَأَرْسَلْنَاهُ إِلَى مِائَةِ أَلْفٍ أَوْ يَزِيدُونَ ﴾ اور اسے ہم نے ایک لاکھ کی طرف بھیجا، بلکہ وہ زیادہ ہوں گے۔ صحت بحال ہونے کے بعد اس حکم کے بارے میں بعض مفسرین نے کہا ہے کہ حضرت یونس علیہ السلام کی بعثت مچھلی کے واقعہ کے بعد ہوئی۔ یہ قول ابن عباس رضی اللہ عنہما سے منقول ہے مگر سنداً محل نظر ہے۔ بلکہ علامہ بغوی نے تو کہہ دیا ہے مچھلی کے واقعہ کے بعد ایک دوسری اُمت کی طرف انھیں رسول بنا کر بھیجا گیا تھا، جس کی تعداد ایک لاکھ سے زائد تھی، کیوں کہ نبی جب کسی جگہ سے ہجرت کر جاتا ہے تو واپس اس بستی کی طرف نہیں پلٹتا۔ مگر جمہور مفسرین کا قول یہ ہے کہ یونس علیہ السلام کو نینوا میں بسنے والوں کی طرف رسول بنا کر بھیجا گیا تھا اس کے بعد مچھلی کا واقعہ پیش آیا، صحت کے بعد دوبارہ انھی کے پاس بھیجا گیا۔ قرآن مجید کا سیاق بھی اسی کامؤید ہے کہ واقعہ کی ابتدا ہی میں ان کی رسالت کا ذکر ہے، رسول بننے کے بعد ہی مچھلی کا قصہ بیان ہواہے۔ رہی یہ بات کہ نبی ہجرت کے بعد دوبارہ اسی بستی کی طرف نہیں آتا۔ اس لیے یونس علیہ السلام بھی اسی بستی کی طرف نہیں بلکہ کسی اور بستی کی طرف رسول بنا کر بھیجے گئے تھے۔ یہ بات تب درست ہوتی جب یونس علیہ السلام نے ہجرت اللہ تعالیٰ کے حکم سے کی
x
صفحہعنوان
19سورة الصافات
23پیش لفظ
25سورت کا تعارف:
25سورۃ الصّٰفّٰت کے بارے میں احادیث:
28وَالصّٰفّٰت:
37گذشتہ آیات ۳۔ ۱ کی دوسری تاویل:
38تیسری تاویل:
38چوتھی تاویل:
38پانچویں تاویل:
39مخلوق کی قسم کھانا:
59بعض اعتراضات کا جواب:
65کاہن اور کہانت:
91ایک اشکال کا جواب:
117الغی، الرشد کی ضد ہے:
163بُری صحبت سے بچنا:
167عذابِ قبر پر اعتراض کا جواب:
229حضرت ابراہیم علیہ السلام کے باپ کا نام؟
232’’ أفّاک ‘‘ زبردست جھوٹے کو کہتے ہیں:
237علم نجوم کی حیثیت:
264پرویزی انحراف:
266ایک تاریخی واقعہ:
271ہجرت کے اسباب:
275دوسری تاویل:
282یہ بیٹا کون تھا؟
285حدیث (( أنا ابن الذبیحین )) :
289حکمِ قربانی کا انکار:
291علامہ شبلی وغیرہ کا غلط موقف:
297محل قربانی:
309آزمایش کے درجات:
335کیا حضرت الیاس علیہ السلام زندہ ہیں؟
357افضیلت انبیا علیہم السلام کا مسئلہ:
371قرعہ اندازی:
376ایک اشکال کا جواب:
376دوسرا اشکال اور اس کا جواب:
383ایک ناگوار وضاحت:
384قادیانی تلبیس کا جواب:
387سوال کرنے اور فتویٰ طلب کرنے کی چارنوعیتیں ہوتی ہیں:
398الزامی جواب اور ایک وضاحت:
412تقدیر کا ثبوت:
435ایک اشکال اور اس کا جواب:
Flag Counter