ذکر مصطفٰی صلی اللہ علیہ وسلم

لَا أَصْلَ لَہٗ مِنْ حَدِیثِ الْـأَعْمَشِ، وَلَیْسَ بِمَحْفُوظٍ، وَلَا یُتَابِعُہٗ إِلَّا مَنْ ہُوَ دُونَہٗ ۔

’’یہ حدیث اعمش کی سند سے بے اصل ہے۔محفوظ بھی نہیں ۔محمد بن مروان کی متابعت اس سے بھی کمزور راوی کر رہا ہے۔‘‘

(الضّعفاء الکبیر : 4/137)

سنن بیہقی میں ابو عبدالرحمن ،اعمش سے بیان کرتا ہے۔

حافظ بیہقی رحمہ اللہ فرماتے ہیں :

أَبُو عَبْدِ الرَّحْمٰنِ ہٰذَا ہُوَ مُحَمَّدُ بْنُ مَرْوَانَ السُّدِّيُّ؛ فِیمَا أَرٰی، وَفِیہِ نَظَرٌ ۔

’’میرے مطابق ابو عبد الرحمن، محمد بن مروان سدی ہے اور اس پر کلام ہے۔‘‘

(حیاۃ الأنبیاء في قُبورہم، ص 103)

حافظ ابن الجوزی رحمہ اللہ کہتے ہیں :

ہٰذَا حَدِیثٌ لَّا یَصِحُّ ۔’’یہ حدیث ثابت نہیں ۔‘‘ (المَوضوعات : 1/303)

حافظ ابن دحیہ رحمہ اللہ فرماتے ہیں :

ھٰذَا حَدِیثٌ مَوْضُوعٌ ۔ ’’یہ من گھڑت حدیث ہے۔‘‘

(تخریج أحادیث الکشّاف للزّیلعي : 3/135)

شیخ الاسلام ابن تیمیہ رحمہ اللہ فرماتے ہیں :

ہٰذَا الْحَدِیثُ مَوْضُوعٌ عَلَی الْـأَعْمَشِ بِإِجْمَاعِہِمْ ۔

’’محققین کا اجماع ہے کہ یہ حدیث گھڑ کر اعمش سے منسوب کر دی گئی ہے۔‘‘

(مَجموع الفتاوی : 27/241)