ذکر مصطفٰی صلی اللہ علیہ وسلم

قنوت میں درود

٭ سیدنا ابی بن کعب رضی اللہ عنہ قنوت کرتے تو؛

ثُمَّّّ یُصَلِّي عَلَی النَّبِيِّ صَلَّی اللّٰہُ عَلَیْہِ وَسَلَّمَ ۔

’’ نبی کریم صلی اللہ علیہ وسلم پر درود پڑھا کرتے تھے۔‘‘

(صحیح ابن خزیمۃ : 1100، وسندہٗ صحیحٌ)

فائدہ :

سنن نسائی(۱۷۴۷)میں دُعا کے اختتام پر وَصَلَّی اللّٰہُ عَلَی النَّبِيِّ مُحَمَّدٍ کے الفاظ عبد اللہ بن علی رحمہ اللہ نے سیدنا حسن بن علی رضی اللہ عنہما سے بیان کئے ہیں ، یہ روایت ثابت نہیں ۔

حافظ ابن حجر رحمہ اللہ لکھتے ہیں :

أَمَّا رِوَایَتُہٗ عَنِ الْحَسَنِ بْنِ عَلِيٍّ؛ فَلَمْ یَثْبُتْ ۔

’’حسن بن علی رضی اللہ عنہما سے عبد اللہ بن علی کی روایت ثابت نہیں ۔‘‘

(تہذیب التّہذیب : 5/284)

لہٰذاحافظ نووی رحمہ اللہ (المجموع شرح المہذب : ۳/۴۴۱) کا اس کی سند کو ’’صحیح‘‘ قرار دینا درست نہیں ۔