پر استوار کی گئی تھی، تو مسجد نبوی اس نام کی زیادہ حق دار تھی۔اہل بیت کا معاملہ بھی ایسا ہی ہے۔‘‘(تفسیر ابن کثیر : 6/415، 416، بتحقیق سلامۃ)احادیث کی روشنی میں :٭ نبی کریم صلی اللہ علیہ وسلم نے خطبہ ارشاد فرمایا:یَا مَعْشَرَ الْمُسْلِمِینَ، مَنْ یَعْذِرُنِي مِنْ رَّجُلٍ قَدْ بَلَغَنِي أَذَاہُ فِي أَہْلِ بَیْتِي، فَوَاللّٰہِ مَا عَلِمْتُ عَلٰی أَہْلِي إِلَّا خَیْرًا ۔’’مسلمانو! کون اس شخص سے بدلہ لے گا، جس نے میرے اہل بیت کے حوالے سے مجھے تکلیف دی ہے؟ اللہ کی قسم! میری بیوی سراپا خیر ہے۔‘‘(صحیح البخاري : 4850، صحیح مسلم : 2770)٭ حصین بن سبرہ رحمہ اللہ نے سیدنا زید بن ارقم رضی اللہ عنہ سے پوچھا:مَنْ أَہْلُ بَیْتِہٖ یَا زَیْدُ؟ أَلَیْسَ نِسَاؤُہٗ مِنْ أَہْلِ بَیْتِہٖ؟ ’’زید! نبی اکرم صلی اللہ علیہ وسلم کے اہل بیت کون ہیں ؟ آپ صلی اللہ علیہ وسلم کی ازواج اہل بیت میں شامل نہیں ؟‘‘سیدنا زید بن ارقم رضی اللہ عنہ نے فرمایا:نِسَاؤُہٗ مِنْ أَہْلِ بَیْتِہٖ ۔’’آپ صلی اللہ علیہ وسلم کی ازواج اہل بیت میں شامل ہیں ۔‘‘(صحیح مسلم : 2408)اُم سلمہ رضی اللہ عنہا چادر والی حدیث میں بیان کرتی ہیں :قُلْتُ : یَا رَسُولَ اللّٰہِ، أَلَسْتُ مِنْ أَہْلِکَ؟ قَالَ : ’بَلٰی، فَادْخُلِي