کیا رسول اللہ صلی اللہ علیہ وسلم درود سنتے ہیں ؟اس سلسلے میں تین آراء پائی جاتی ہیں :1. نبی کریم صلی اللہ علیہ وسلم قبر میں درود وسلام سنتے ہیں ۔2. آپ صلی اللہ علیہ وسلم سلام سنتے ہیں ۔3. قبر پرسلام کہا جائے، تو آپ صلی اللہ علیہ وسلم خود سنتے ہیں ، دور سے کہا جائے تو فرشتے پہنچا دیتے ہیں ۔یہ تینوں آرا ازرائے شریعت درست و صواب نہیں ، قائلین کے دلائل ملاحظہ ہوں ۔1. سیدنا ابو ہریرہ رضی اللہ عنہ سے منسوب ہے کہ رسو ل اللہ صلی اللہ علیہ وسلم نے فرمایا :مَنْ صَلّٰی عَلَيَّ عِنْدَ قَبْرِي سَمِعْتُہٗ، وَمَنْ صَلّٰی عَلَيَّ نَائِیًا أُبْلِغْتُہٗ۔’’میری قبر کے پاس درود پڑھیں گے ، میں اسے سنوں گا اور دور سے مجھ پر درود بھیجیں گے، تومجھے پہنچا دیا جائے گا۔‘‘(شُعَب الإیمان للبیہقي : 1481، حیاۃ الأنبیاء في قبورہم للبیہقي : 19، الضُّعَفاء الکبیر للعُقَیلي : 4/136، تاریخ الخطیب : 3/292، التّرغیب والتّرہیب للأصبہاني : 1666)سخت ’’ضعیف‘‘ہے :