ذکر مصطفٰی صلی اللہ علیہ وسلم

دونوں انگوٹھے چوم کر آنکھوں پر رکھے، اس کی آنکھیں کبھی نہ دُکھیں گی۔‘‘

(المَقاصِد الحَسَنۃ للسّخاوي، ص 384)

بے سند، بے ثبوت جھوٹی اور باطل روایت ہے۔

حافظ سخاوی رحمہ اللہ لکھتے ہیں :

بِسَنَدٍ فِیْہِ مَجَاہِیْلُ مَعَ انْقِطَاعِہٖ ۔

’’سند میں مجہول راوی ہیں ، منقطع بھی ہے۔‘‘

مجہول راوی ہیں یا نہیں ، اس کا تعین تب کیا جاسکتا ہے، جب سند موجود ہو، اس کی تو سند ہی موجود نہیں ۔ اب علما کی تصریحات ملاحظہ ہوں :

حافظ سخاوی رحمہ اللہ لکھتے ہیں :

لَا یَصِحُّ فِي الْمَرْفُوْعِ مِنْ کُلِّ ہٰذَا شَيْئٌ ۔

’’اس معنی کی مرفوع احادیث میں سے کوئی بھی ثابت نہیں ۔‘‘

(المَقاصِد الحَسَنۃ للسّخاوي، ص 385)

علامہ ملا علی قاری حنفی رحمہ اللہ لکھتے ہیں :

کُلُّ مَا یُرْوٰی فِي ہٰذَا؛ فَلَا یَصِحُّ رَفْعُہُ الْبَتَّۃَ ۔

’’اس بارے میں کوئی بھی مرفوع روایت قطعاً ثابت نہیں ہے ۔‘‘

(الموضوعات الکبرٰی، ص 210)

علامہ ابن عابدین شامی حنفی رحمہ اللہ نقل کرتے ہیں :

لَمْ یَصِحَّ فِي الْمَرْفُوعِ مِنْ کُلِّ ہٰذَا شَيْئٌ ۔

’’ان میں سے کوئی مرفوع روایت ثابت نہیں ۔‘‘ (رَدّ المُحتار : 1/293)