|
ضرورت ہی) اپنے لیے کرسی نہ بنالو۔‘‘
نیز سنن ابو داود و بیہقی میں حدیث ہے کہ آپ صلی اللہ علیہ وسلم نے فرمایا:
(( اِیَّاکُمْ اَنْ تَتَّخِذُوْا ظُہُوْرَ دَوَابِّکُمْ مَنَابِرَ )) [1]
’’خبردار! اپنے سواری والے جانوروں کی پشتوں کو بلا ضرورت اپنے لیے منبر نہ بنا لو۔‘‘
اور سنن ابو داود اور صحیح ابن خزیمہ میں مذکور ہے کہ نبی اکرم صلی اللہ علیہ وسلم کا گزر ایک ایسے اونٹ کے پاس سے ہوا جس کی پشت اور پیٹ (کمزوری و مشقت کی وجہ سے) باہم ملے ہوئے تھے۔ یہ دیکھ کر آپ صلی اللہ علیہ وسلم نے فرمایا:
(( اِتَّقُوْا اللّٰہَ فِيْ ہٰذِہِ الْبَہَائِمِ الْمُعْجَمَۃِ )) [2]
’’ان بے زبان جانوروں کے معاملے میں اللہ سے ڈرتے رہا کرو۔‘‘
ایسے ہی مسند احمد اور صحیح ابن حبان میں مذکور ہے کہ نبی اکرم صلی اللہ علیہ وسلم ایک صبح کسی کام سے نکلے تو دیکھا کہ مسجد کے دروازے پر کسی نے اونٹ بٹھایا ہوا ہے اور پھر اسی دن شام کو بھی دیکھا کہ وہ اونٹ اسی جگہ موجود ہے تو استفسار فرمایا کہ اس کا مالک کون ہے؟ مگر وہ نہ ملا تو (بلا وجہ) کسی جانور کو باندھ کر بٹھا رکھنے سے منع کرتے ہوئے آپ صلی اللہ علیہ وسلم نے ارشاد فرمایا:
(( اِتَّقُوْا اللّٰہَ فِيْ ہٰذِہِ الْبَہَائِمِ )) [3]
|