ختم نبوت

’’میں خاتم النبیین ہوں ، میرے بعد کوئی نبی نہیں ۔‘‘

(التّاریخ الکبیر للبخاري : 2/4، وسندہٗ حسنٌ)

37. سیدنا جابر بن عبد اللہ رضی اللہ عنہما بیان کرتے ہیں کہ نبی کریم صلی اللہ علیہ وسلم نے فرمایا :

أَنَا سَیِّدُ الْمُرْسَلِینَ، وَلَا فَخَرَ وَأَنَا خَاتَمُ النَّبِیِّینَ وَلَا فَخَرَ وَأَنَا أَوَّلُ شَافِعٍ وَّمُشَفَّعٍ وَّلَا فَخَرَ ۔

’’میں سید المرسلین، خاتم النبیین اور پہلا شافع ومشفع ہوں ، یہ بات میں از روئے فخر نہیں کہتا (بلکہ تحدیث نعمت کے طور پر کہتا ہوں )۔‘‘

(الأوائل لابن أبي عاصم : 87، واللّفظ لہٗ، المُعجم الأوسط للطّبراني : 170، التّاریخ الکبیر للبخاري : 4/286، دلائل النّبوۃ للبیھقي: 5/480، وسندہٗ صحیحٌ)

38. سیدنا عمر رضی اللہ عنہ بیان کرتے ہیں کہ رسول اللہ صلی اللہ علیہ وسلم نے یوم بدر کو دعا کی :

اَللّٰہُمَّ أَنْجِزْ لِي مَا وَعَدْتَنِي، اَللّٰہُمَّ آتِ مَا وَعَدْتَنِي، اَللّٰہُمَّ إِنْ تُہْلِکْ ہٰذِہِ الْعِصَابَۃَ مِنْ أَہْلِ الْإِسْلَامِ لَا تُعْبَدْ فِي الْـأَرْضِ ۔

’’اے اللہ! جو تو نے میرے ساتھ وعدہ کیا ہے، اسے پورا فرما، اللہ! اگر تو نے مسلمانوں کی اس جماعت کو ہلاک کر دیا، تو کرہ ارض پر کبھی تیری عبادت نہیں کی جائے گی۔‘‘

(صحیح مسلم : 1763)

٭ حافظ ابن حجر رحمہ اللہ (۸۵۲ھ)اس حدیث کے تحت فرماتے ہیں :

إِنَّمَا قَالَ ذٰلِکَ لِأَنَّہٗ عَلِمَ أَنَّہٗ خَاتَمُ النَّبِیِّینَ فَلَوْ ہَلَکَ ہُوَ وَمَنْ مَعَہٗ حِینَئِذٍ لَمْ یُبْعَثْ أَحَدٌ مِمَّنْ یَدْعُو إِلَی الْإِیمَانِ وَلَاسْتَمَرَّ