انہوں نے[سنّت] کی وہی تفسیر کی ہے،جو[واجب] کی ہے۔
د:بعض حنفی علماء نے اسے[سنّت] کہا ہے،لیکن ان کا اس سے مقصود یہ نہیں،کہ اسے چھوڑنے پر گناہ نہیں۔ان کی مراد یہ ہے،کہ اس کا[وجوب] سنّت سے ثابت ہوتا ہے۔
ہ:باجماعت نماز اسلامی شعائر میں سے ہے۔
و:کسی مرد کو اسے بلا عذر ترک کرنے کی اجازت نہیں۔
ز:اسے بلا عذر چھوڑنا موجبِ تعزیر ہے۔
ح:اسلامی حکومت پر واجب ہے،کہ اسے بلاعذر چھوڑنے والوں کو تعزیری سزا دے۔
ط:اس کا تارک اسلامی عدالت میں گواہی دینے کے اعزاز سے محروم ہوجاتا ہے۔اس کے شہادت دینے پر اسے مسترد کردیا جائے گا۔
ی:طلبِ علم میں مشغولیت کی وجہ سے اسے چھوڑنے کی اجازت نہیں،اگرچہ وہ علمِ فقہ ہی کیوں نہ ہو۔
ک:اس کے چھوڑنے پر چپ رہنے والا پڑوسی گناہ گار ہوتا ہے۔
ل:کسی شہر والوں کے اسے چھوڑنے پر انہیں اس کے قائم کرنے کا حکم دیا جائے گا۔ان کے نہ ماننے کی صورت میں ان کے خلاف جنگ کی جائے گی۔
م:مسجد جانے کے لیے اقامت کے انتظار میں بیٹھا رہنے والا شخص[بُرا انسان] ہے۔
کیا اس کے بعد[باجماعت نماز] ترک کرنے کے لیے یہ کہنے کی گنجائش ہے:
’’میں حنفی ہوں اور ہمارے نزدیک جماعت کے ساتھ نماز ادا کرنا[سنّت] ہے؟‘‘
فَاعْتَبِرُوْا یَا أُوْلِي الْأَبْصَارِ۔[1]
|