Maktaba Wahhabi

مشاجرات صحابہ اور سلف کا مؤقف

مؤلف: ارشاد الحق اثری

ناشر: ادارہ علوم الاثریہ، فیصل آباد

سال شائع: 2002ء

سے باخبر تھے مگر ہم ان سے ناواقف‘ جس بات پر سب صحابہ کا اتفاق ہے ہم اس میں ان کی پیروی کرتے ہیں اور جس معاملہ میں ان کے درمیان اختلاف ہے اس میں خاموشی اختیار کرتے ہیں ۔ حضرت محاسبی رحمہ اللہ فرماتے ہیں کہ ہم بھی وہی بات کہتے ہیں جو حضرت حسن رحمہ اللہ بصری نے فرمائی ہے، ہم جانتے ہیں کہ صحابہ کرام رضی اللہ عنہم نے جن چیزوں میں دخل دیا ان کے متعلق وہ ہم سے کہیں بہتر طریقے پر واقف تھے۔ لہذا ہمارا کام یہی ہے کہ جس پر وہ سب حضرات متفق ہوں اس کی پیروی کریں اور جس میں ان کا اختلاف ہو اس میں خاموشی اختیار کریں ۔ اور اپنی طرف سے کوئی نئی رائے پیدا نہ کریں، ہمیں یقین ہے کہ ان سب نے اجتہاد سے کام لیا اور سب نے اللہ تعالیٰ کی خوشنودی چاہی تھی۔ اس لئے کہ دین کے بارے میں وہ سب کسی شک و شبہ سے بالا تر ہیں ‘‘ (تفسیرقرطبی ص 322ج16) حضرت علی رضی اللہ عنہ، حضرت طلحہ رضی اللہ عنہ اور حضرت زبیر رضی اللہ عنہ کے مابین رونما ہونے والے سانحہ کے بارے میں امام قرطبی رحمہ اللہ کا یہ تبصرہ بڑا فکر انگیز ہے، آنحضرت صلی اللہ علیہ وسلم نے تینوں کے بارے میں شہادت کی خبر دی، جیسا کہ صحیح مسلم ص 282 ج 2 وغیرہ میں حضرت ابو ہریرہ رضی اللہ عنہ سے مروی ہے اور یہ تینوں ان دس خوش نصیب حضرات میں سے ہیں جن کے بارے میں رسول اللہ صلی اللہ علیہ وسلم نے نام بنام جنتی ہونے کی بشارت دی ہے۔ حضرت علی رضی اللہ عنہ حضرت زبیر رضی اللہ عنہ کے قاتل کو جہنمی قرار دیتے ہیں جیسا کہ السنۃ لابن أبی عاصم ص 610 ج 2 ‘ حاکم ص 367ج 3 وغیرہ میں ہے اور اس کا ذکر حافظ ذہبی رحمہ اللہ نے السیر ص 61ج 1 اور حافظ ابن کثیر نے البدایہ ص250ج 7 میں بھی کیا۔ حضرت طلحہ رضی اللہ عنہ اور حضرت زبیر رضی اللہ عنہ کا حضرت عثمان رضی اللہ عنہ کے قصاص کا مطالبہ کرنا اور حضرت علی رضی اللہ عنہ سے اس بارے میں لڑنا اور بالآخر اس لڑائی میں شہید ہوجانا، یہ سب اس بات کی دلیل ہے کہ ان حضرات کا یہ اقدام کسی باطل کی پیروی میں نہ تھا۔ انہوں نے جو کچھ کیا پوری دیانتداری سے اللہ تعالیٰ کی خوشنودی حاصل کرنے کے لئے کیا۔ ان کا اختلاف اور حضرت علی رضی اللہ عنہ کے خلاف یہ اقدام کسی دنیوی غرض کے لئے نہ تھا بلکہ اجتہاداور رائے کی بنا پر تھا، اسی لئے وہ اس راہ میں شہید قرار پائے۔ جنتی ہونے کی بشارت تو اس پر مستزاد ہے، ہمیں اس بارے میں زیادہ غور و خوض سے اجتناب کرناچاہئے اور سب کے بارے میں حسن ظن رکھنا
x
صفحہعنوان
5پیش لفظ
11صحابہ کرام رضی اللہ عنہم کے بارے میں ناگوار بات سننا گوارا نہ تھا
11سبِّ صحابہ کرام رضی اللہ عنہم کی ممانعت
15صحابہ کرام رضی اللہ عنہم سے درگزر کرنے کا حکم
25حضرت عمر رحمہ اللہ بن عبدالعزیز کا فرمان
26امام شافعی رحمہ اللہ کا فرمان
27امام احمد بن حنبل رحمہ اللہ کے ارشادات
31امام معافی رحمہ اللہ بن عمران کا فرمان
32کیا حضرت معاویہ کاتب وحی تھے؟
33امام العوام رحمہ اللہ بن حوشب کا فیصلہ
34امام عبداللہ بن مبارک رحمہ اللہ کا فرمان
35امام حماد رحمہ اللہ بن اسامہ کا قول
36امام ابن بطہّ کا فرمان
38امام الحسن رحمہ اللہ بن علی البربھاری کے فرمودات
41امام محمد بن الحسین الآجری رحمہ اللہ کا فرمان
42امام احمد بن حنبل رحمہ اللہ
46امام ابو حنیفہ رحمہ اللہ کا موقف
47امام طحاوی رحمہ اللہ کی وضاحت
50امام ابو زرعہ رحمہ اللہ رازی اورامام ابو حاتم رازی رحمہ اللہ کی وضاحت
51امام بخاری رحمہ اللہ اور ان کے 1080شیوخ کا عقیدہ
52امام علی رحمہ اللہ بن مدینی کا عقیدہ
53امام غزالی رحمہ اللہ کی نصیحت
55امام ابن دقیق العید رحمہ اللہ کا عقیدہ
55علامہ قاضی عیاض رحمہ اللہ کی وضاحت
57حضرت شیخ عبدالقادر رحمہ اللہ جیلانی کا فرمان
59امام الحرمین رحمہ اللہ کا فرمان
60امام نووی رحمہ اللہ کا فرمان
62اکثر صحابہ رضی اللہ عنہم قتال سے علیحدہ کیوں رہے ؟
65شیخ الاسلام ابن تیمیہ رحمہ اللہ کی وضاحت
68امام صابونی رحمہ اللہ کا فرمان
69علامہ ابن حزم رحمہ اللہ کا موقف
72علامہ ابن خلدون رحمہ اللہ کا تبصرہ
73علامہ ابن کثیر رحمہ اللہ کا فرمان
76امام ابن اثیر رحمہ اللہ کی وضاحت
77علامہ ابن ابی العز رحمہ اللہ کا موقف
77حافظ ذہبی رحمہ اللہ کا فرمان
78علامہ سبکی رحمہ اللہ کی وضاحت
80علامہ الآمدی رحمہ اللہ کا فرمان
81حافظ ابن حجر رحمہ اللہ کا فرمان
83حافظ سخاوی رحمہ اللہ کا فرمان
84علامہ ابن الہمام رحمہ اللہ کا فرمان
85علامہ ابن العربی رحمہ اللہ کا فیصلہ
86علامہ ابن حجر ہیتمی رحمہ اللہ کا بیان
88علامہ شعرانی رحمہ اللہ کا فرمان
89علامہ محب رحمہ اللہ کا فرمان
90علامہ قرطبی رحمہ اللہ کا تبصرہ
93مقتولین کا حکم
98امام ابن قدامہ رحمہ اللہ کا موقف
99امام ابوالحسن رحمہ اللہ الا شعری کا عقیدہ
100حضرت مجدد الف ثانی رحمہ اللہ کی تصریحات
105علامہ تفتا زا نی رحمہ اللہ کا فیصلہ
106علامہ السفارینی رحمہ اللہ کا بیان
109امام الہند شاہ ولی اﷲ رحمۃ اﷲ علیہ کا فیصلہ
110حضرت قاضی ثناء اﷲ پانی پتی رحمۃ اﷲ علیہ کا موقف
111سراج الہند حضرت شاہ عبدالعزیز رحمہ اللہ محدث دہلوی
114علامہ پرھاری رحمہ اللہ کا موقف
116نواب صدیق حسن خان رحمہ اللہ کا بیان
116شیخ الکل حضرت میاں نذیر حسین رحمہ اللہ محدث دہلوی کا فتویٰ
Flag Counter