Maktaba Wahhabi

مشاجرات صحابہ اور سلف کا مؤقف

مؤلف: ارشاد الحق اثری

ناشر: ادارہ علوم الاثریہ، فیصل آباد

سال شائع: 2002ء

اللہ تعالیٰ ان سب پر رحمت فرمائے حضرت معاویہ رضی اللہ عنہ ‘ حضرت عمرو رضی اللہ عنہ بن عاص‘ حضرت ابوموسیٰ رضی اللہ عنہ اور حضرت مغیرہ رضی اللہ عنہ بن شعبہ سب پر اللہ کی رحمت ہو۔ اللہ تعالیٰ نے اپنی کتاب میں ان کا وصف بیان کرتے ہوئے فرمایا ہے :’’سجدوں کے آثار ان کے چہروں پر نمایا ں ہیں ‘‘۔ بلکہ علامہ ذہبی رحمہ اللہ نے نقل کیا ہے کہ حضرت عمار رضی اللہ عنہ بن یاسر کے بارے میں مشہور حدیث تقتلک الفئۃ الباغیۃ کے بارے میں بحث و تکرار کو ہی ناپسند فرماتے تھے ان کے الفاظ ہیں : کرہ أن یتکلم فی ھذا باکثر من ھذا۔ (السیر ص421 ج 1) یعنی اس حدیث کو بیان کر کے اس پر مزید بات کرنے کو ناپسند سمجھتے تھے۔ اس حدیث پر بحث و تکرار اور اس کی تاویل کے حوالے سے جو کچھ کہا گیا اس موضوع سے دلچسپی رکھنے والوں کے لئے یہ کوئی سربستہ راز نہیں، اور نہ ہی یہ ہمارا موضوع ہے امام احمد رحمہ اللہ کے احساسات کا اس بارے اندازہ کیجئے کہ وہ سرے سے اس حوالے سے بحث و تمحیص مناسب نہیں سمجھتے تھے۔ عبدالملک بن عبدالحمید المیمونی رحمہ اللہ فرماتے ہیں کہ میں نے امام احمد رحمہ اللہ سے کہا :کیا رسول اللہ صلی اللہ علیہ وسلم نے یہ نہیں فرمایا کہ کل صھر و نسب ینقطع إلاصھری و نسبی قیامت کے دن میری قرابت داری اور میرے نسب کے علاوہ ہر ایک کے حسب و نسب کا تعلق منقطع ہو جائے گا؟ تو انہوں نے فرمایا: ہاں یہ رسول اللہ صلی اللہ علیہ وسلم کا فرمان ہے، میں نے کہا تو کیا یہ تعلق داری حضرت معاویہ رضی اللہ عنہ کو حاصل ہے؟ تو انہوں نے فرمایا :بالکل یہ شرف ان کو حاصل ہے۔(السنۃ للخلال ص432) یہی وجہ ہے کہ احمد بن حمید رحمہ اللہ ابو طالب نے جب امام احمد رحمہ اللہ سے دریافت کیا کہ کیا حضرت معاویہ رضی اللہ عنہ اور حضرت عبداللہ بن عمر رضی اللہ عنہ مومنوں کے ماموں ہیں ؟ کیونکہ حضرت ابوسفیان رضی اللہ عنہ کی بیٹی حضرت ام حبیبہ رضی اللہ عنہا رسول اللہ صلی اللہ علیہ وسلم کی زوجہ محترمہ ہیں اور مومنوں کی ماں ہیں اور وہ حضرت معاویہ رضی اللہ عنہ کی ہمشیرہ ہیں ۔ اسی طرح حضرت حفصہ رضی اللہ عنہا زوجہ نبی صلی اللہ علیہ وسلم حضرت عبداللہ بن عمر کی ہمشیرہ ہیں ۔ تو امام احمد رحمہ اللہ نے فرمایا :ہاں حضرت معاویہ رضی اللہ عنہ اور حضرت عبداللہ بن عمر رضی اللہ عنہما مومنوں کے ماموں ہیں ۔ (السنۃ للخلال ص433) اس سے مقصد دراصل آنحضرت صلی اللہ علیہ وسلم کے ساتھ ان
x
صفحہعنوان
5پیش لفظ
11صحابہ کرام رضی اللہ عنہم کے بارے میں ناگوار بات سننا گوارا نہ تھا
11سبِّ صحابہ کرام رضی اللہ عنہم کی ممانعت
15صحابہ کرام رضی اللہ عنہم سے درگزر کرنے کا حکم
25حضرت عمر رحمہ اللہ بن عبدالعزیز کا فرمان
26امام شافعی رحمہ اللہ کا فرمان
27امام احمد بن حنبل رحمہ اللہ کے ارشادات
31امام معافی رحمہ اللہ بن عمران کا فرمان
32کیا حضرت معاویہ کاتب وحی تھے؟
33امام العوام رحمہ اللہ بن حوشب کا فیصلہ
34امام عبداللہ بن مبارک رحمہ اللہ کا فرمان
35امام حماد رحمہ اللہ بن اسامہ کا قول
36امام ابن بطہّ کا فرمان
38امام الحسن رحمہ اللہ بن علی البربھاری کے فرمودات
41امام محمد بن الحسین الآجری رحمہ اللہ کا فرمان
42امام احمد بن حنبل رحمہ اللہ
46امام ابو حنیفہ رحمہ اللہ کا موقف
47امام طحاوی رحمہ اللہ کی وضاحت
50امام ابو زرعہ رحمہ اللہ رازی اورامام ابو حاتم رازی رحمہ اللہ کی وضاحت
51امام بخاری رحمہ اللہ اور ان کے 1080شیوخ کا عقیدہ
52امام علی رحمہ اللہ بن مدینی کا عقیدہ
53امام غزالی رحمہ اللہ کی نصیحت
55امام ابن دقیق العید رحمہ اللہ کا عقیدہ
55علامہ قاضی عیاض رحمہ اللہ کی وضاحت
57حضرت شیخ عبدالقادر رحمہ اللہ جیلانی کا فرمان
59امام الحرمین رحمہ اللہ کا فرمان
60امام نووی رحمہ اللہ کا فرمان
62اکثر صحابہ رضی اللہ عنہم قتال سے علیحدہ کیوں رہے ؟
65شیخ الاسلام ابن تیمیہ رحمہ اللہ کی وضاحت
68امام صابونی رحمہ اللہ کا فرمان
69علامہ ابن حزم رحمہ اللہ کا موقف
72علامہ ابن خلدون رحمہ اللہ کا تبصرہ
73علامہ ابن کثیر رحمہ اللہ کا فرمان
76امام ابن اثیر رحمہ اللہ کی وضاحت
77علامہ ابن ابی العز رحمہ اللہ کا موقف
77حافظ ذہبی رحمہ اللہ کا فرمان
78علامہ سبکی رحمہ اللہ کی وضاحت
80علامہ الآمدی رحمہ اللہ کا فرمان
81حافظ ابن حجر رحمہ اللہ کا فرمان
83حافظ سخاوی رحمہ اللہ کا فرمان
84علامہ ابن الہمام رحمہ اللہ کا فرمان
85علامہ ابن العربی رحمہ اللہ کا فیصلہ
86علامہ ابن حجر ہیتمی رحمہ اللہ کا بیان
88علامہ شعرانی رحمہ اللہ کا فرمان
89علامہ محب رحمہ اللہ کا فرمان
90علامہ قرطبی رحمہ اللہ کا تبصرہ
93مقتولین کا حکم
98امام ابن قدامہ رحمہ اللہ کا موقف
99امام ابوالحسن رحمہ اللہ الا شعری کا عقیدہ
100حضرت مجدد الف ثانی رحمہ اللہ کی تصریحات
105علامہ تفتا زا نی رحمہ اللہ کا فیصلہ
106علامہ السفارینی رحمہ اللہ کا بیان
109امام الہند شاہ ولی اﷲ رحمۃ اﷲ علیہ کا فیصلہ
110حضرت قاضی ثناء اﷲ پانی پتی رحمۃ اﷲ علیہ کا موقف
111سراج الہند حضرت شاہ عبدالعزیز رحمہ اللہ محدث دہلوی
114علامہ پرھاری رحمہ اللہ کا موقف
116نواب صدیق حسن خان رحمہ اللہ کا بیان
116شیخ الکل حضرت میاں نذیر حسین رحمہ اللہ محدث دہلوی کا فتویٰ
Flag Counter