Maktaba Wahhabi

مشاجرات صحابہ اور سلف کا مؤقف

مؤلف: ارشاد الحق اثری

ناشر: ادارہ علوم الاثریہ، فیصل آباد

سال شائع: 2002ء

آنحضرت صلی اللہ علیہ وسلم اپنی آخری بیماری میں مبتلا تھے۔ کچھ انصار صحابہث ایک جگہ بیٹھے آنحضرت صلی اللہ علیہ وسلم کو یاد کرکے رو رہے تھے۔ حضرت ابو بکر رضی اللہ عنہ اور حضرت عباس رضی اللہ عنہ ان کے پاس سے گزرے ان کی کیفیت معلوم کی اور پھر رسول اللہ صلی اللہ علیہ وسلم کی خدمت اقدس میں حاضر ہو کر انصار صحابہث کی دل گرفتگی کا ذکر کیا، آنحضرت صلی اللہ علیہ وسلم سارا ماجرہ سن کر مسجد میں تشریف لائے سر میں درد کی بنا پر سرمبارک کپڑے سے باندھ رکھا تھا۔ منبر پر تشریف لے گئے۔ ’’ولم یصعد بعد ذٰلک الیوم‘‘ منبر مبارک پر یہ چڑھنا آپ کا آخری بار تھا۔ آپ ا نے اللہ تعالیٰ کی حمد و ثنا بیان کی پھر فرمایا: لوگو! میں تمہیں انصار رضی اللہ عنہ کے بارے میں وصیت کرتا ہوں وہ تو میرے جان و جگر ہیں ۔ وہ اپنا حق ادا کر چکے اب ان کا حق (جنت ملنے کا) باقی ہے ان میں جو نیک ہو اس کی قدر کرو اور جو برا ہو اس کے قصور سے درگزر کرو۔ حضرت ابو الدرداء رضی اللہ عنہ سے مروی ہے کہ حضرت ابوبکر رضی اللہ عنہ اور حضرت عمر رضی اللہ عنہ کے مابین رنجش پیدا ہو گئی تو حضرت ابو بکر رضی اللہ عنہ نے معذرت کر لی اور حضرت عمر رضی اللہ عنہ سے معافی طلب کی، مگر حضرت عمر رضی اللہ عنہ نے بے نیازی دکھلائی، آنحضرت صلی اللہ علیہ وسلم کو جب اس کی اطلاع ہوئی تو آپ نے فرمایا : ’’ فھل انتم تارکوالی صاحبی‘‘ کیا تم میری خاطر میرے دوست کو ستانا چھوڑتے ہویا نہیں ؟ (بخاری مع الفتح ص 18ج 7 ملخصاً) حضرت خالد رضی اللہ عنہ اور حضرت عبدالرحمن رضی اللہ عنہ بن عوف کے مابین ہونے والی شکر نجی کا ذکر پہلے گزرچکا۔ اسی واقعہ میں مسند احمد اور بزار کے الفاظ ہیں ’’دعوا لی اصحابی‘‘ کہ میری وجہ سے میرے صحابہ سے درگزرکرو۔ (مجمع الزوائد ص 15 ج 10) یہ بھی ملاحظہ فرمائیے کہ بعض صحابہ کرام رضی اللہ عنہم سے بشری تقاضا کے مطابق کچھ کو تاہیاں سرزد ہوئیں مگر اس کا نتیجہ کیا ہوا، فتح مکہ کے موقعہ پر حضرت حاطب رضی اللہ عنہ بن ابی بلتعہ نے اہل مکہ کو خط لکھ کہ خبردار کر دینا چاہا کہ رسول اللہ صلی اللہ علیہ وسلم تمہارے خلاف اقدام کرنے والے ہیں ۔ جس کی تفصیل حدیث وتاریخ کی کتابوں میں موجود ہے۔ خلاصہ یہ کہ ان کا خط پکڑا گیا۔ عسکری نقطہ ِء نظر سے حضرت حاطب رضی اللہ عنہ کا یہ عمل ملت اسلامیہ سے بغاوت کے زمرہ میں آتا
x
صفحہعنوان
5پیش لفظ
11صحابہ کرام رضی اللہ عنہم کے بارے میں ناگوار بات سننا گوارا نہ تھا
11سبِّ صحابہ کرام رضی اللہ عنہم کی ممانعت
15صحابہ کرام رضی اللہ عنہم سے درگزر کرنے کا حکم
25حضرت عمر رحمہ اللہ بن عبدالعزیز کا فرمان
26امام شافعی رحمہ اللہ کا فرمان
27امام احمد بن حنبل رحمہ اللہ کے ارشادات
31امام معافی رحمہ اللہ بن عمران کا فرمان
32کیا حضرت معاویہ کاتب وحی تھے؟
33امام العوام رحمہ اللہ بن حوشب کا فیصلہ
34امام عبداللہ بن مبارک رحمہ اللہ کا فرمان
35امام حماد رحمہ اللہ بن اسامہ کا قول
36امام ابن بطہّ کا فرمان
38امام الحسن رحمہ اللہ بن علی البربھاری کے فرمودات
41امام محمد بن الحسین الآجری رحمہ اللہ کا فرمان
42امام احمد بن حنبل رحمہ اللہ
46امام ابو حنیفہ رحمہ اللہ کا موقف
47امام طحاوی رحمہ اللہ کی وضاحت
50امام ابو زرعہ رحمہ اللہ رازی اورامام ابو حاتم رازی رحمہ اللہ کی وضاحت
51امام بخاری رحمہ اللہ اور ان کے 1080شیوخ کا عقیدہ
52امام علی رحمہ اللہ بن مدینی کا عقیدہ
53امام غزالی رحمہ اللہ کی نصیحت
55امام ابن دقیق العید رحمہ اللہ کا عقیدہ
55علامہ قاضی عیاض رحمہ اللہ کی وضاحت
57حضرت شیخ عبدالقادر رحمہ اللہ جیلانی کا فرمان
59امام الحرمین رحمہ اللہ کا فرمان
60امام نووی رحمہ اللہ کا فرمان
62اکثر صحابہ رضی اللہ عنہم قتال سے علیحدہ کیوں رہے ؟
65شیخ الاسلام ابن تیمیہ رحمہ اللہ کی وضاحت
68امام صابونی رحمہ اللہ کا فرمان
69علامہ ابن حزم رحمہ اللہ کا موقف
72علامہ ابن خلدون رحمہ اللہ کا تبصرہ
73علامہ ابن کثیر رحمہ اللہ کا فرمان
76امام ابن اثیر رحمہ اللہ کی وضاحت
77علامہ ابن ابی العز رحمہ اللہ کا موقف
77حافظ ذہبی رحمہ اللہ کا فرمان
78علامہ سبکی رحمہ اللہ کی وضاحت
80علامہ الآمدی رحمہ اللہ کا فرمان
81حافظ ابن حجر رحمہ اللہ کا فرمان
83حافظ سخاوی رحمہ اللہ کا فرمان
84علامہ ابن الہمام رحمہ اللہ کا فرمان
85علامہ ابن العربی رحمہ اللہ کا فیصلہ
86علامہ ابن حجر ہیتمی رحمہ اللہ کا بیان
88علامہ شعرانی رحمہ اللہ کا فرمان
89علامہ محب رحمہ اللہ کا فرمان
90علامہ قرطبی رحمہ اللہ کا تبصرہ
93مقتولین کا حکم
98امام ابن قدامہ رحمہ اللہ کا موقف
99امام ابوالحسن رحمہ اللہ الا شعری کا عقیدہ
100حضرت مجدد الف ثانی رحمہ اللہ کی تصریحات
105علامہ تفتا زا نی رحمہ اللہ کا فیصلہ
106علامہ السفارینی رحمہ اللہ کا بیان
109امام الہند شاہ ولی اﷲ رحمۃ اﷲ علیہ کا فیصلہ
110حضرت قاضی ثناء اﷲ پانی پتی رحمۃ اﷲ علیہ کا موقف
111سراج الہند حضرت شاہ عبدالعزیز رحمہ اللہ محدث دہلوی
114علامہ پرھاری رحمہ اللہ کا موقف
116نواب صدیق حسن خان رحمہ اللہ کا بیان
116شیخ الکل حضرت میاں نذیر حسین رحمہ اللہ محدث دہلوی کا فتویٰ
Flag Counter