جھوٹ کی سنگینی اور اس کی اقسام

’’ہاں ، لیکن میں تو سچ کے سوا کوئی اور بات نہیں کہتا۔‘‘

۲: امام ابو داؤد اور امام ترمذی نے حضرت انس بن مالک رضی اللہ عنہ کے حوالے سے روایت نقل کی ہے ، کہ بلاشبہ نبی کریم صلی اللہ علیہ وسلم نے ان سے فرمایا:

’’ یَا ذَالْأُذُنَیْنِ!‘‘

’’اے دو کانوں والے۔‘‘

ابو اُسامہ [1] بیان کرتے ہیں :’’یعنی آنحضرت صلی اللہ علیہ وسلم [ ان الفاظ کے ساتھ] ان سے مزاح فرماتے تھے۔‘‘[2]

۳: امام ابوداود اور امام ترمذی نے حضرت انس بن مالک رضی اللہ عنہ سے روایت نقل کی ہے ، کہ بلاشبہ ایک شخص نے رسول اللہ صلی اللہ علیہ وسلم سے سواری طلب کی ، تو آپ صلی اللہ علیہ وسلم نے فرمایا:

’’ إِنِّیْ حَامِلُکَ عَلَی وَلَدِ النَّاقَۃِ۔‘‘

’’بلاشبہ میں تجھے اونٹنی کے بچے پر سوار کروا رہا ہوں ۔‘‘