تحفۂ وقت

خلق کو ابتدائی طور پر پیدا کیا ، پھر وہی اللہ ان کو دوبارہ پیدا کریگا بے شک اللہ ہر چیز پر قادر ہے۔‘‘

قبروں کی زیارت:

اللہ تعالیٰ فرماتے ہیں :

﴿ ثُمَّ أَمَاتَهُ فَأَقْبَرَهُ ‎﴿٢١﴾‏ ثُمَّ إِذَا شَاءَ أَنشَرَهُ ‎﴿٢٢﴾ (عبس: ۲۱،۲۲)

’’پھر اسے موت دی اور اسے قبر میں پہنچادیا گیا، اور پھر جب وہ چاہے گا اسے دوبارہ زندہ کر دے گا۔ ‘‘

اور فرمایا:

﴿ أَلْهَاكُمُ التَّكَاثُرُ ‎﴿١﴾‏ حَتَّىٰ زُرْتُمُ الْمَقَابِرَ ‎﴿٢﴾‏ كَلَّا سَوْفَ تَعْلَمُونَ ‎﴿٣﴾‏ (التکاثر)

’’ تمہیں زیادہ (سامانِ دنیا)کی چاہت نے غافل کردیا، یہاں تک کہ تم نے قبریں جادیکھیں اور عنقریب تم اپنا انجام جان جاؤگے۔ ‘‘

اور فرمایا:

﴿ مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَىٰ ‎﴿٥٥﴾ (طہ :۵۵)

’’اسی زمین سے ہم نے تمہیں پیداکیا، اوراسی میں ہم تمہیں لوٹاتے ہیں ، اور اسی سے ایک بار پھر نکالیں گے۔‘‘

آخرکار قبرہی وہ ٹھکانہ ہے ، جس میں ہر ایک شخص کو ایک نہ ایک وقت جاناہے۔ مگر انسان اس قبر کی سختی اور ہولناکی سے بہت ہی غافل ہے۔اگرچہ قبر پر: ’’ آخری آرام گاہ‘‘… ’’مرقدہ منورہ‘‘ وغیرہ کے الفاظ لکھ دیے جاتے ہیں ۔ مگر کیا واقعی اس قبر کو آرام گاہ اور مرقدہ منورہ بنانے کی کبھی کوشش بھی کی تھی۔کبھی اس اندھیر کوٹھڑی کی سختیوں کا خیال دل میں آیا؟؛