بیماریاں اور ان کا علاج مع طب نبوی

ٹانگ کو اپنی اصلی حالت میں لے آئیں ۔ پھر اسی طرح بائیں ٹانگ سے بھی یہی ورزش کریں۔

7. چت لیٹ کر دونوں ہاتھوں کو دائیں اور بائیں پھیلادیں اس طرح دونوں ہاتھ سیدھے اور پورے کھولیں۔ پھر دونوں ہاتھوں کو اوپر سر کی طرف اٹھایئے اس طرح کہ دونوں ہاتھ چہرہ کے اوپر آکر مل جائیں اور پھر واپس دونوں ہاتھ اپنی اصلی حالت میں لے آئیں۔

8. چت لیٹے لیٹے اپنے شانوں کو اٹھا کر موٹے تکیہ (یا 2 تکیوں) پر اس طرح رکھئیے کہ سر پیچھے کی طرف لٹک جائے۔ اس کے بعد سر کو آگے کی طرف اٹھا کر جھکائیے اور پھر واپس تکیہ سے پیچھے جہاں تک لے جایا جاسکے لے جائیے۔ اس سے گلے کے عضلات پر تناؤ اور ڈھیل کا اثر پڑے گا اور پیٹ کے عضلات پر بھی یکساں اثر ہوگا۔ اِنْ شَائَ اللّٰہُ تَعَالٰی

٭ بسترپرلیٹے ہوئے مریض کیلئے :۔

جس طرحپیدل چلنا انسان کیلئے ضروری ہے اسی طرح ورزش صحت کیلئے نہایت ضروری ہے چاہے لیٹ کر ہی کیوں نہ ہو۔مثلاً

1. دونوں ہاتھوں کی انگلیوں کو کھولیں بند کریں۔ ترجیحاََ ہاتھوں کے ڈنبل استعمال کریں۔

2. ہاتھ اور پیر اوپر نیچے کریں اور دائیں بائیں بھی۔

3. گردن سیدھی طرف جتنی زیادہ سے زیادہ موڑ سکتے ہوں موڑیں پھر بائیں طرف، پھر اوپر پھر نیچے۔

4. آنکھیں جلدی جلدی کھولیں اور بند کریں۔

5. مریض اگر کھڑے ہو کر یا بیٹھ کر نماز نہیں پڑھ سکتاہو تو لیٹ کر پانچوں نمازیں وقت پر اشاروں سے ادا کرے۔ نماز میدان جہاد میں بھی معاف نہیں ہے۔ فرض نماز ہر حال