مومن کی نماز

بہت قریب ہوتا ہے:

سیّدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:

(( أَقْرَبُ مَا یَکُوْنُ الْعَبْدُ مِنْ رَبِّہٖ وَہُوَ سَاجِدٌ فَأَکْثِرُوْا الدُّعَائَ۔))[1]

’’سجدے کی حالت میں بندہ اپنے رب کے بہت قریب ہوتا ہے لہٰذا سجدے میں بکثرت دعا کیا کرو۔‘‘

نمبر8… سجد ے کی دعائیں:

پہلی دعا: سیّدنا حذیفہ رضی اللہ عنہ بیان کرتے ہیں کہ:

(( وَإِذَا سَجَدَ قَالَ سُبْحَانَ رَبِّیَ الْأَعْلٰی ثَلَاثَ مَرَّاتٍ۔))[2]

’’آپ صلی اللہ علیہ وسلم جب سجدہ کرتے توتین مرتبہ’’سُبْحَانَ رَبِّیَ الْأَعْلٰی‘‘ کہتے۔‘‘

دوسری دعا: سیدہ عائشہ رضی اللہ عنہا بیان کرتی ہیں کہ:

(( کَانَ النَّبِیُّ صلي اللّٰه عليه وسلم یُکْثِرُ أَنْ یَقُوْلَ فِی رُکُوْعِہٖ وَسُجُوْدِہٖ سُبْحَانَکَ اللّٰہُمَّ رَبَّنَا وَبِحَمْدِکَ اللّٰہُمَّ اغْفِرْلِیْ ۔))[3]

’’نبی کریم صلی اللہ علیہ وسلم اپنے رکوع اور سجدوں میں یہ دعا کثرت سے پڑھتے: ’’سُبْحَانَکَ اللّٰہُمَّ رَبَّنَا وَبِحَمْدِکَ اللّٰہُمَّ اغْفِرْلِیْ‘‘(تو پاک ہے اے میرے اللہ اے ہمارے رب تمام تعریفیں تیرے ہی لائق ہیں میرے اللہ! مجھے معاف فرمادے)۔‘‘