| اس عیب کی اصلاح کرے۔‘‘ نصائح ودعائیں أقول لحر والمروء ۃ مرؤہا لاخوتہ المراٰۃ ذو النور مکحلا ’’میں اللہ کے آزاد بندے کو نصیحت کرتے ہوئے کہتا ہوں ۔ دراں حالیکہ صاحب انسانیت کی انسانیت اس کے دوستوں کے لیے آئینہ کا کام دیتی ہے اور وہ سرمۂ بصیرت کے لحاظ سے صاحب نور یعنی صاحب ایمان ہوتا ہے۔‘‘ وقل صادقا لولا الوئام وروحہ لطاح الانام الکل فی الخلف والقلٰی ’’اور بات سچی کر، حقیقت یہ ہے کہ اگر باہم اتفاق اور اس کی روح کا رفرما نہ ہو تو اختلاف ودشمنی میں پڑ کر تمام لوگ برباد ہوجائیں ۔‘‘ وہذا زمان الصبر من لک بالتی کقبض علٰی جمر فتنجو من البلا ’’اور موجودہ زمانہ(دنیا کی اذیتوں پر) صبر کا زمانہ ہے ۔پس کون ہے جو تیرے ساتھ اچھا سلوک کرے جبکہ دین پر قائم رہنا گویا چنگاری کو ہاتھ میں پکڑنا ہے پس توبلا سے نجات پالے۔‘‘ ولکنہا عن قسوۃ القلب قحطہا فیا ضیعۃ الاعمار تمشی سبہللا ’’لیکن دلوں کے پتھرا جانے سے ایسی آنکھوں کا قحط ہے۔ اے عزیزو! عمروں کی اس بربادی سے بچو کہ کس طرح رائیگاں جارہی ہے۔‘‘ وقد قیل کن کالکلب یقصیہ أہلہ وما یأتلی فی نصحہم متبذّلا ’’ کہا جاتا ہے کہ راہ وفا میں اس کتے کے مثل ہو جا کہ گھر والے خواہ اس کو کتنا ہی دور بھگائیں ، لیکن اپنی جان کھپا کر ان کی ہمدردی کرنے میں وہ کبھی بھی کوتاہی نہیں کرتا۔‘‘ و یجعلنا ممن یکون کتابہ شفیعا لہم إذ ما نسوہ فیمحلا ’’اور ہمیں ان لوگوں میں سے ہونے کی توفیق دے کہ جن کے لیے قیامت کے دن قرآن سفارش کرے گا، کیونکہ انہوں نے قرآن کو بھلایانہ ہوگا کہ وہ شکایت کرے۔‘‘ شاطبیہ کی شروحات شاطبیہ سبعہ قراءات پر مشتمل نہایت اہم کتاب ہے جس کو اللہ تعالیٰ نے امام شاطبی رحمہ اللہ کے اخلاص اور للّٰہیت |