عورت کا زیور پردہ

اسے نہ دیکھ رہا ہو اور اللہ تعالیٰ کے رسول صلی اللہ علیہ وسلم نے ننگے چلنے سے بھی منع فرمایا تھا حتی کہ اگر اکیلا بھی ہو تو وہ ننگا نہ چلے تو صحابی نے سوال کیا کہ جب ہم میں سے کوئی اکیلا ہو تو پھر کیا حکم ہے؟ تو فرمایا:

((فَاللّٰہُ أَحَقُّ أَنْ یُسْتَحْیٰی مِنْہُ۔)) [1]

’’اللہ تعالیٰ بہ نسبت لوگوں کے زیادہ حق رکھتے ہیں کہ ان سے حیاء کی جائے۔‘‘

اور اسی طرح احرام میں مرد و عورت کا فرق واضح ہے کہ وہ اپنے کندھے ننگے کریں لیکن عورتیں نہیں کر سکتیں اور مردوں کو ٹخنوں سے نیچے کرنے سے روکا گیا ہے اور عورتوں کو حکم ہے کو وہ ڈھانپ کر رکھیں الغرض مرد کا اور عورت کا عمومی پردہ اپنے اپنے دائرہ کار میں رہ کر کر نا ضروری ہے جو کہ مرد کے لیے ناف سے گھٹنوں تک ہے اور عورت تو نام ہی پردے کا ہے جیسا کہ اللہ تعالیٰ کے رسول صلی اللہ علیہ وسلم نے فرمایا کہ :

((المرأۃ عورۃ۔))[2]

’’عورت پردہ ہے۔‘‘

2۔خاص حجاب (پردہ)

تمام مومن و مسلمان عورتوں پر شرعی طور پر واجب ہے کہ ایسا شرعی ساتر حجاب (پردہ) کریں جس سے ان کا سارا بدن‘ چہرہ ہاتھوں سمیت ڈھک جائیں (یہی حجاب کی دوسری قسم خاص پردہ ہے جو کہ عورتوں کے لیے ہے) اور اسی طرح وہ تمام زینت کی چیزیں خواہ زیورات کی شکل میں ہو یا لباس کی شکل میں ہو اس کو بھی وہ غیر محرموں (اجانب) سے چھپائے جیسا کہ قرآن و سنت سے یہ بات ثابت ہے اور عہد نبوت سے لے کر دولت اسلامیہ کے سقوط تک اجماع عملی سے ثابت ہے اور قیاس جلی (اور مفاسد کے دروازے کو بند کرنے کی غرض سے اسباب کا سد باب کرنے کے لیے) سے بھی ضروری ہے۔ یہ پردہ عورت پر فرض ہے خواہ وہ گھر کی چار دیواری میں ہو یا باہر کسی محرم سے اس کی