Maktaba Wahhabi

جہاد کے مسائل

مؤلف: محمد اقبال کیلانی

ناشر: حدیث پبلیکیشنز لاہور

سال شائع: 1996

بسم اللّٰه الرحمن الرحيم اَلْحَمْدُ لِلّٰہِ رَبِّ الْعٰلَمِیْنَ وَالصَّلاَۃُ وَالسَّلاَمُ عَلٰی رَسُوْلِہِ الْکَرِیْمُ وَالْعَاقِبَۃُ لِلْمُتَّقِیْنَ ، اَمَّا بَعْدُ ! جہادکا مادہ ’’جہد‘‘ ہے جس کا مطلب ہے کسی مقصد کے حصول کے لئے بھر پور کوشش اور دوڑ دھوپ کرنا ۔یہ لفظ جب اسلامی اصطلاح کے طور پر استعمال ہوتا ہے تو ’’جہاد فی سبیل اللہ ‘‘کے الفاظ کے ساتھ استعمال ہوتا ہے جس کا مطلب ہے اللہ کی راو میں سعی اور کوشش کرنا ، یعنی دین اسلام کے غلبہ ، دین اسلام کے تحفظ اور دین اسلام کی دعوت اور اشاعت کے لئے بھر پور سعی اور کوشش کرنا ۔جہاد کی تین اقسام ہیں ۔ جیسا کہ رسول اکرم صلی اللہ علیہ وسلم کے ارشاد مبارک سے ظاہر ہے۔ ﴿جَاہِدُوا الْمُشْرِکِیْنَ بِاَمْوَالِکُمْ وَاَنْفُسِکُمْ وَاَلْسِنَتِکُمْ﴾ ’’یعنی مشرکین کے ساتھ اپنے مالوں ، اپنی جانوں اور اپنی زبانوں سے جہاد کرو ۔‘‘ (ابو داؤد) مال سے جہاد یہ ہے کہ دین اسلام کے غلبہ ، دین اسلام کے تحفظ اور دین اسلام کی دعوت واشاعت پر اپنا مال خرچ کیا جائے ۔ جان سے جہاد یہ ہے کہ زمانہ امن میں اپنے جسم و جان کی تمام صلاحیتیں مذکورہ مقاصد کے حصول کے لئے صرف کر دی جائیں اور زمانہ جنگ میں مذکورہ مقاصد کے حصول کی خاطر میدان جنگ میں دشمنان اسلام سے مقابلہ کیا جائے ، انہیں قتل کیا جائے اور اپنی جان کا نذرانہ شہادت کی صورت میں اللہ کے حضور پیش کیا جائے ۔ جہاد کی اس صورت کے لئے قرآن مجید میں ’’قتال فی سبیل اللہ‘‘ کے الفاظ استعمال کئے گئے ہیں ۔ قتال فی سبیل اللہ کو ’’جہاد بالسیف‘‘ بھی کہا جاتا ہے ۔ زبان سے جہاد یہ ہے کہ مذکورہ مقاصد کے حصول کی خاطر اپنی زبان سے مسلمانوں کے جذبات ابھارے جائیں اور دشمنان اسلام کے حوصلے پست کئے جائیں ۔ زیر نظر کتاب کا موضوع چونکہ ’’جہاد بالسیف‘‘ یا ’’قتال فی سبیل اللہ ‘‘ ہے لہٰذا جہاں کہیں بھی جہاد کا لفظ استعمال ہوگا اس سے مراد’’ جہاد بالسیف‘‘ یا ’’ قتال فی سبیل اللہ ‘‘ ہی ہوگا۔ جہاد فی سبیل اللہ کی فضیلت: قرآن وحدیث میں جہاد کی بڑی فضیلت بیان کی گئی ہے قرآن مجید کی چند آیات کا
x
صفحہعنوان
5بسم اللّٰه الرحمن الرحيم
67نیت کے مسائل
70جہاد سے پہلے ایمان
72جہاد قرآن مجید کی روشنی میں
84جہاد کی فرضیت
89جہاد کے لئے بیعت
90جہادکی فضیلت
100ہندوستان کے خلاف جہاد کی فضیلت
101مجاہدین کی فضیلت
107مجاہدین کی مدد کرنے کی فضیلت
109شہید کی فضیلت
119اللہ کی راہ میں پہرہ دینے کی فضیلت
122جہاد کی اہمیت
124جہاد کی اقسام
129جہاد کی تیاری
132جہاد کے مقاصد
135جہاد کے احکام
139جہاد میں جائز امور
143جہاد میں ممنوع امور
149جنگ کے آداب
152غنیمت اور فے کے مسائل
156قیدیوں کے مسائل
160جہاد کے متعلق دعائیں
164سفر کے آداب
169نماز خوف کے مسائل
172عورتوں کا جہاد
174کسی متعین آدمی کو شہید کہنا جائز نہیں
175متفرق مسائل
Flag Counter