Maktaba Wahhabi

جہاد کے مسائل

مؤلف: محمد اقبال کیلانی

ناشر: حدیث پبلیکیشنز لاہور

سال شائع: 1996

136
مسئلہ 145 میر جیش کو جنگ کے تمام معاملات نیکی ، تقویٰ ، خداخوفی ، خدا ترسی ، امانت اور دیانت کو پیش نظر رکھ کر سرانجام دینے کا حکم ہے۔ عَنْ بُرَیْدَۃَ قَالَ : کَانَ رَسُوْلُ اللّٰہِ صلی اللّٰه علیہ وسلم اِذَا بَعَثَ اَمِیْرًا عَلٰی جَیْشٍ اَوْصَاہُ فِیْ خَاصَۃِ نَفْسِہٖ بِتَقْوَی اللّٰہِ وَ مَنْ مَعَہٗ مِنَ الْمُسْلِمِیْنَ خَیْرًا وَقاَلَ ((اَغْزُوْا بِسْمِ اللّٰہِ فِیْ سَبِیْلِ اللّٰہِ قَاتَلُوْا مَنْ کَفَرَ بِاللّٰہِ وَ لَا تَغُلُّوْا وَلاَ تَغْدِرُوْا وَلاَ تُمَثِّلُوْا وَ لاَ تَقْتُلُوْا وَلِیْدًا )) رَوَاہُ التِّرْمِذِیُّ[1] (صحیح) حضرت بریدہ رضی اللہ عنہ کہتے ہیں رسول اکرم صلی اللہ علیہ وسلم جب کسی آدمی کو امیر لشکر بنا کر بھیجتے تو اسے خصوصاً اپنی ذات کے معاملے میں اللہ تعالیٰ سے ڈرنے کی تاکید فرماتے نیز دوسرے مسلمانوں سے بھلائی اختیار کرنے کی ہدایت فرماتے اور پھر سارے لشکر کو مخاطب ہو کر فرماتے’’ (لوگو!) بسم اللہ فی سبیل اللہ کہہ کر جنگ شروع کرنا، کافروں سے قتال کرنا، مال غنیمت چوری نہ کرنا، (دشمن سے) وعدہ خلافی نہ کرنا، (دشمن کے افراد کا) مثلہ نہ کرنا اور دشمن کے بچوں کو قتل نہ کرنا۔‘‘ اسے ترمذی نے روایت کیا ہے۔ مسئلہ 146 دوران جہاد ، امیر جیش کے حکم کے بغیر کوئی کارروائی کرنامنع ہے۔ مسئلہ 147 امیر جیش اگر کوئی خلاف شرع حکم دے تو اسے ماننے اور اس پر عمل کرنے سے انکار کردینا چاہئے۔ عَنِ ابْنِ عُمَرَ رَضِیَ اللّٰہُ عنہما عَنِ النَّبِیِّ صلی اللّٰه علیہ وسلم اَنَّہٗ قَالَ ((عَلَی الْمَرْئِ الْمُسْلِمِ السَّمْعُ وَ الطَّاعَۃُ فِیْمَا اَحَبَّ وَ کَرِہَ اِلاَّ اَنْ یُؤْمَرَ بِمَعْصِیَۃٍ فَلاَ اُمِرَ بِمَعْصِیَۃٍ فَلاَ سَمْعَ وَلاَ طَاعَۃَ )) رَوَاہُ مُسْلِمٌ[2] حضرت عبداللہ بن عمر رضی اللہ عنہما سے روایت ہے کہ نبی اکرم صلی اللہ علیہ وسلم نے فرمایا ’’مسلمان پر امیر کا حکم سننا اور اس کی طاعت کرنا واجب ہے خواہ اسے پسند ہو یا ناپسند مگر جب (اللہ اور اس کے رسول صلی اللہ علیہ وسلم کی) نافرمانی کا حکم دیاجائے تو پھر نہ بات سننی چاہئے نہ ماننی چاہئے۔‘‘ اسے مسلم نے روایت کیا ہے۔
x
صفحہعنوان
5بسم اللّٰه الرحمن الرحيم
67نیت کے مسائل
70جہاد سے پہلے ایمان
72جہاد قرآن مجید کی روشنی میں
84جہاد کی فرضیت
89جہاد کے لئے بیعت
90جہادکی فضیلت
100ہندوستان کے خلاف جہاد کی فضیلت
101مجاہدین کی فضیلت
107مجاہدین کی مدد کرنے کی فضیلت
109شہید کی فضیلت
119اللہ کی راہ میں پہرہ دینے کی فضیلت
122جہاد کی اہمیت
124جہاد کی اقسام
129جہاد کی تیاری
132جہاد کے مقاصد
135جہاد کے احکام
139جہاد میں جائز امور
143جہاد میں ممنوع امور
149جنگ کے آداب
152غنیمت اور فے کے مسائل
156قیدیوں کے مسائل
160جہاد کے متعلق دعائیں
164سفر کے آداب
169نماز خوف کے مسائل
172عورتوں کا جہاد
174کسی متعین آدمی کو شہید کہنا جائز نہیں
175متفرق مسائل
Flag Counter