بدعات سنت کے میزان میں

2.شیخ الاسلام ابن تیمیہ رحمہ اللہ (728ھ) فرماتے ہیں :

کَذٰلِکَ إِیْقَادُ الْمَصَابِیْحِ فِي ہٰذِہِ الْمَشَاہِدِ مُطْلَقًا، لَا یَجُوْزُ بِلَا خِلَافٍ ۔

’’اسی طرح ان جگہوں میں چراغاں بالاتفاق ناجائز ہے۔‘‘

(اقتضاء الصّراط المستقیم : 2/657)

شیخ الاسلام رحمہ اللہ مزید فرماتے ہیں :

بِنَائُ الْمَسْجِدِ وَإِسْرَاجُ الْمَصَابِیحِ عَلَی الْقُبُورِ مِمَّا لَمْ أَعْلَمْ خِلَافًا أَنَّہٗ مَعْصِیَۃٌ لِلّٰہِ وَرَسُولِہٖ ۔

’’قبروں پر مسجد بنانا اور چراغاں کرنا ان کاموں سے ہیں ، جن کے اللہ اور رسول کے مخالف ہونے میں اختلاف نہیں ۔‘‘

(مجموع الفتاوٰی : 31/45،60)

3.علامہ ابن قیم رحمہ اللہ (751ھ) فرماتے ہیں :

إِیْقَادُ السُّرُجِ عَلَیْہَا، وَہُوَ مِنَ الْکَبَائِرِ ۔

’’قبروں پر چراغاں کبیرہ گناہ ہے۔‘‘

(إغاثۃ اللّہفان : 1/197)

نیز فرماتے ہیں :

’’نصاریٰ کی عادت ہے کہ وہ شمعیں روشن کر کے مُردہ قبر میں اتارتے ہیں اور اپنی کتابوں کی بلندآواز سے قراء ت کرتے ہیں ۔ صحابہ کرام رضی اللہ عنہم کی ایک جماعت نے جنازہ کے ساتھ آگ لانے سے منع فرمایا، انہیں ڈر تھا