بدعات سنت کے میزان میں

2.عبدالعزیز نے یہ روایت خصیف جزری سے ذکر کی ہے، جو کہ ’’مختلط‘‘ ہے، نیز اس کا سیدنا انس رضی اللہ عنہ سے سماع بھی نہیں ہے ۔

3.اس کی سند میں اسحاق بن خالد بن یزید بالسی ہے ۔

امام ابن عدی رحمہ اللہ فرماتے ہیں :

رِوَایَاتُہٗ تَدُلُّ عَمَّنْ رَوٰی عَنْہُ بِأَنَّہٗ ضَعِیْفٌ ۔

’’اس کی روایات دلالت کرتی ہیں کہ جس سے بھی اس نے روایت لی ہے، بہر حال ضعیف ہے۔‘‘ (الکامل في ضعفاء الرّجال : 1/344)

قارئین! اس روایت سے نماز جنازہ کے متصل بعد اجتماعی ہیئت سے دعا کا اثبات کرنا غیر علمی رویہ ہے۔

دلیل نمبر15:

عبد اللہ بن ابی ساریہ ازدی کہتے ہیں :

جَائَ عَبْدُ اللَّہِ بْنُ سَلَامٍ وَقَدْ صُلِّيَ عَلٰی عُمَرَ، فَقَالَ : لَئِنْ کُنْتُمْ سَبَقْتُمُونِي بِالصَّلَاۃِ عَلَیْہِ لَا تَسْبِقُونِي بِالثَّنَائِ ۔

’’سیدنا عبداللہ بن سلام رضی اللہ عنہ تشریف لائے، تو سیدنا عمر رضی اللہ عنہ کی نماز جنازہ پڑھی جا چکی تھی، فرمایا : آپ نے سیدنا عمر رضی اللہ عنہ کی نماز جنازہ تو مجھ سے پہلے پڑھ لی ہے، اب ثناء میں تو مجھ سے پہل نہ کریں ۔‘‘

(تاریخ المدینۃ لابن شبۃ : 3/939، طَبَقات ابن سعد : 3/369، تاریخ دِمَشق لابن عَساکر : 44/458)

روایت سخت ضعیف ہے۔

1.عبد اللہ بن ابی ساریہ ازدی کون ہے؟ معلوم نہیں ۔