اپنے آپ پر دم کیسے کریں

۲۔ کلونجی :

اسے فارسی زبان میں(شونیز) [اور عربی میں(الحبۃ السوداء)]کہا جاتا ہے ۔آج کل عرب اسے(حبۃ البرکۃ) کہتے ہیں ۔[1]

نبی اکرم صلی اللہ علیہ وسلم نے فرمایا ہے:’’کلونجی میں موت کے علاوہ ہر بیماری کی شفاء ہے ۔‘‘[2]

۳۔ آب زمزم :

آپ صلی اللہ علیہ وسلم نے فرمایا :’’یہ پانی بابرکت ہے ؛ بھر پور غذائیت کی وجہ سے پیٹ بھر دیتا ہے ۔‘‘ [3]

’’اور اس میں بیماری کے لیے شفاء بھی ہے۔ ‘‘[4]

آپ صلی اللہ علیہ وسلم نے فرمایا :’’ روئے زمین پر سب سے بہترین پانی زمزم ہے۔ اس میں کھانے والے کے لیے غذا ہے او ربیماری کے لیے شفاء ہے۔‘‘[5]

آپ صلی اللہ علیہ وسلم نے فرمایا :’’ زمزم پینے سے وہ مقصد پورا ہوتا ہے جس کے لیے اسے پیا جائے ۔‘‘[6]