اپنے آپ پر دم کیسے کریں

بسم اللہ شریف

کھانے سے پہلے :

رسول اللہ صلی اللہ علیہ وسلم نے فرمایا :’’ اے نوجوان ! بسم اللہ کہو؛ اور اپنے دائیں ہاتھ سے کھاؤ اور اپنے سامنے سے کھاؤ ۔‘‘[1]

رسول اللہ صلی اللہ علیہ وسلم کا فرمان ہے کہ: جب تم میں سے کوئی شخص کھانا کھانے لگے تو اسے بِسْم ِ اللّٰہِ کہنا چاہیے اور اگر شروع میں کہنا بھول جائے توپھر اُسے یوں کہنا چاہیے:

((بِسْمِ اللّٰہِ فِیْ اَوَّلِہٖ وَاٰخِرِہٖ))

’’ شروع اور آخر میں اللہ کے نام کے ساتھ۔‘‘[2]

کپڑے اتارنے سے قبل :

رسول اللہ صلی اللہ علیہ وسلم کا فرمان ہے کہ: جنات کی نظروں اور بنی آدم کی شرمگاہوں کے مابین پردہ ہوتا ہے کہ جب تم میں سے کوئی ایک کپڑے اتارے تو کہے:

((بِسْمِ اللّٰہِ )) ’’اللہ کے نام کے ساتھ۔‘‘ [3]