بدعات سنت کے میزان میں

بے سند ہونے کی وجہ سے موضوع اور باطل ہے۔ حماد مکی نامعلوم ہے۔ نامعلوم راویوں کے خوابوں سے دلیل لینا دین نہیں ہے۔

دلیل نمبر7

حسن بن ہیثم کہتے ہیں :

کَانَ خِطَابُ یَجِیئُنِي وَیَدُہٗ مَعْقُودَۃٌ، وَیَقُولُ : إِذَا وَرَدْتَ الْمَقَابِرَ فَاقْرَأْ : ﴿قُلْ ھُوَ اللّٰہُ أَحَدٌ﴾، وَاجْعَلْ ثَوَابَہَا لِأَہْلِ الْمَقَابِرِ ۔

’’خطاب بن بشر میرے پاس آئے، ان کے ہاتھ بندھے تھے اور مجھے کہا: قبرستان جائیں اور سورت اخلاص پڑھ کرثواب قبرستان والوں کو بخش دیجئے۔‘‘

(الأمر بالمعروف والنّہي عن المنکر للخلّال : 252)

سند ضعیف ہے۔ حسن بن ہیثم کی توثیق نہیں ملی۔

نیز یہ اجتہادی خطا ہے، قرآن و حدیث اور سلف امت کے خلاف ہونے کی وجہ سے قبول نہیں ، اس میں مروجہ قرآن خوانی کا ثبوت بھی نہیں ۔

دلیل نمبر8

ابراہیم نخعی رحمہ اللہ کہتے ہیں :

لَا بَأْسَ بِقِرَائَ ۃِ الْقُرْآنِ فِي الْمَقَابِرِ ۔

’’قبرستان میں قرآن پڑھنے میں حرج نہیں ۔‘‘

(الأمر بالمعروف والنّہي عن المنکر للخلّال : 245)

سخت ضعیف ہے۔