بدعات سنت کے میزان میں

وَحِفْظِہَا ۔

’’امامیہ (شیعہ کاایک گروہ) کاکہنا ہے کہ انبیا اور اولیا کی قبروں پر تعمیر کرنا، انہیں پختہ کرنا اور ان کی حفاظت کرنا جائز ہے۔‘‘

(البَراہین الجلیّۃ، ص 41)

صحابہ کرام، تابعین کے دَور میں قبروں پر قبوں کا نام ونشان تک نظر نہیں آتا۔ البتہ صحیح احادیث اورصحابہ کرام اورتابعین عظام سے ان کی مذمت ضرور ثابت ہے :

1.سیدنا جابر بن عبداللہ رضی اللہ عنہما بیان کرتے ہیں :

نَہٰی رَسُولُ اللّٰہِ صَلَّی اللّٰہُ عَلَیْہِ وَسَلَّمَ أَنْ یُجَصَّصَ الْقَبْرُ، وَأَنْ یُّقْعَدَ عَلَیْہِ، وَأَنْ یُبْنٰی عَلَیْہِ ۔

’’رسول اللہ صلی اللہ علیہ وسلم نے قبر پختہ کرنے، اس پربیٹھنے اور تعمیر سے منع فرمایا۔‘‘

(صحیح مسلم : 970)

2.سیدنا ابوموسیٰ اشعری رضی اللہ عنہ نے وفات کے وقت کچھ وصیتیں فرمائی تھیں ۔ ایک وصیت یہ تھی :

لَا تَجْعَلُوا عَلٰی قَبْرِی بِنَائً ۔

’’میری قبر پر عمارت نہ بنانا۔‘‘

حاضرین نے ان سے پوچھا :

أَوَسَمِعْتَ فِیہِ شَیْئًا؟ قَالَ : نَعَمْ، مِنْ رَسُولِ اللّٰہِ صَلَّی اللّٰہُ عَلَیْہِ وَسَلَّمَ ۔

’’کیا آپ نے اس بارے کوئی بات سنی؟ فرمایا : جی ہاں ! رسول اللہ صلی اللہ علیہ وسلم سے۔‘‘

(مسند الإمام أحمد : 4/397، وسندہٗ حسنٌٌ)