کلمہ طیبہ مفہوم فضائل،ارکان و شرائط،تقاضے اور منافی امور کتاب و سنت کی روشنی میں

ب- پتھروں میں آپ کی تاثیر:

رسول اللہ صلی اللہ علیہ وسلم نے فرمایا:

((إني لأعرف حجراً بمکۃ کان یسلم عليقبل أن أبعث،إني لأعرفہ الآن)) [1]

میں مکہ کے ایک پتھر کو جانتا ہوں جو بعثت سے پہلے مجھے سلام کیا کرتا تھا‘ میں اب بھی اسے جانتا ہوں۔

ج- زمین کی مٹی میں آپ کی تاثیر:

جب رسول اللہ صلی اللہ علیہ وسلم جنگ حنین میں تھے اور گھمسان کی جنگ ہونے لگی ‘ تو آپ اپنے خچرسے اترے اور ایک مٹھی مٹی لی‘ اور اسے کفار کے چہروں کی طرف پھینکتے ہوئے فرمایا:’’شاھت الوجوہ‘‘ چہرے بگڑ جائیں،چنانچہ وہ ایک مٹھی مٹی اُن میں سے ہر شخص کے آنکھوں میں بھر گئی‘آخر اللہ نے انہیں شکست دی اوررسول اللہ صلی اللہ علیہ وسلم نے اُن کا مال غنیمت مسلمانوں میں تقسیم فرمایا۔[2]