کلمہ طیبہ مفہوم فضائل،ارکان و شرائط،تقاضے اور منافی امور کتاب و سنت کی روشنی میں

حقیقت یہ ہے کہ ایک عقلمند اور انصاف پسند شخص ان معجزات اور روشن دلائل کے سامنے حیرت زدہ اور مبہوت ہوکر رہ جائے گا‘ اور اس کے پاس اس کے علاوہ کوئی چارۂ کار نہ ہوگا کہ ’’أشہد أن لا إلٰہ إلا اللہ وأن محمداً رسول اللہ صلی اللہ علیہ وسلم ‘‘کہہ کر حلقہ بگوش اسلام ہو جائے۔

مبحث چہارم:امت پر نبی کریم صلی اللہ علیہ وسلم کے حقوق

۱- رسول اللہ صلی اللہ علیہ وسلم پر سچا ایمان اورآپ کی لائی ہوئی شریعت میں آپ کی تصدیق ‘ ارشاد باری ہے:

﴿فَآمِنُوا بِاللّٰہِ وَرَسُولِهِ وَالنُّورِ الَّذِي أَنزَلْنَا ۚ وَاللّٰہُ بِمَا تَعْمَلُونَ خَبِيرٌ﴾[1]

تو تم اللہ پر‘ اس کے رسول پر اور اس نور پر ایمان لاؤ جسے ہم نے نازل فرمایا ہے‘ اور اللہ تعالیٰ تمہارے اعمال سے باخبر ہے۔