بدعات سنت کے میزان میں

امام حاکم رحمہ اللہ فرماتے ہیں :

ہٰذَا حَدِیثٌ صَحِیحٌ، لَا نَعْرِفُ لَہٗ عِلَّۃً بِوَجْہٍ مِّنَ الْوُجُوہِ ۔

’’یہ حدیث صحیح ہے۔ ہمیں اس میں کسی بھی قسم کی کوئی علت معلوم نہیں ہوئی۔‘‘

(المستدرک علی الصّحیحین : 1/15)

حافظ ذہبی رحمہ اللہ نے ان کی موافقت کی ہے۔

یہ حدیث ’’منکر‘‘ہے۔ عبد اللہ بن سلمہ اگرچہ ’’حسن الحدیث‘‘ہیں ، لیکن آخری عمر میں ان کا حافظہ خراب ہو گیا تھا، ان کے شاگرد عمرو بن مرہ کہتے ہیں :

کَانَ عَبْدُ اللّٰہِ بْنُ سَلَمَۃَ قَدْ کَبِرَ، وَکَانَ یُحَدِّثُنَا، فَنَعْرِفُ وَنُنْکِرُ ۔

’’عبد اللہ بن سلمہ بوڑھے ہو گئے تھے۔ وہ ہمیں حدیث بیان کرتے، تو ہمیں ان سے کچھ معروف اور کچھ منکر حدیثیں ملتیں ۔‘‘

(مسند عليّ بن الجعد : 66، العِلَل للإمام أحمد بروایۃ عبد اللّٰہ : 1824، الجامع لأخلاق الرّاوي وآداب السّامع للخطیب : 1920، واللّفظ لہٗ)

امام ابو حاتم رازی رحمہ اللہ فرماتے ہیں :

تَعْرِفُ وَتُنْکِرُ ۔’’یہ معروف اور منکر روایات بیان کرتے ہیں ۔‘‘

(الجرح والتّعدیل لابن أبي حاتم : 5/74)

امام بخاری رحمہ اللہ فرماتے ہیں :

لَا یُتَابَعُ فِي حَدِیثِہٖ ۔

’’(ثقات کی طرف سے) ان کی روایات کی متابعت نہیں کی گئی۔‘‘

(التّاریخ الکبیر : 5/99)