| ہے اور یہی اللہ کی وحدانیّت۔لَااِلٰہَ اِلَّا اللّٰہُ ۔ اور اس کا مطلب، اللہ کی توحید،اخلاص وللّٰہیّت اور اللہ تعالیٰ اور اس کے انبیاء ورسل علیہم الصلوٰۃ والسلام پر ایمان لانے کی طرف دعوت دینا ہے۔ اللہ تعالیٰ اور اس کے رسل نے سابقہ حالات،آئندہ واقعات ،قیامت ،آخری زمانہ اور قربِ قیامت کے متعلق جوجو خبردی ہے، اُن سب امور پر ایمان لانے کی طرف دعوت دینا بھی اسی میں شامل ہے۔اللہ تعالیٰ کے فرائض نماز پڑھنا،زکوٰہ ادا کرنا ،رمضان المبارک کے روزے رکھنا اور بیت اللہ شریف کی زیارت وحج کرنا وغیرہ بھی اِسی میں داخل ہے۔ جہاد فی سبیل اللہ،امربالمعروف ونہی عن المنکر،طہارت،نماز،باہمی لین دین کے معاملات،نکاح،طلاق،قانونِ جُرم وسزا،نان ونفقہ،جنگ وامن اور وہ تمام امورجن کی انسان کو ضرورت پیش آتی رہتی ہے۔ان سب میں احکامِ شریعت کو اختیار کرنے کی طرف دعوت دینا بھی اُسی کا جزئہے۔ ایسے ہی داعی ومبلّغ اخلاقِ حسنہ اور اعمالِ صالحہ کی طرف دعوت دے،بداخلاقی اور بدعملی سے روکے، یہ ذمّہ داری نبھانا عبادت ہے اور قیادت بھی۔ میدانِ دعوت وتبلیغ میں کام کرنے والا شخص عابدہوگااورقائد بھی،یہ عمل عبادت ہے اور حکمت بھی،یوں وہ داعی ومبلّغ عابدوغازی اور روزہ دار ہوگا، اور شریعتِ الہیّہ کے احکام کی رو سے فیصلے کرنے اور اس کے احکام کو نافذ کرنے والا حاکم بھی ہوگا۔ یہ عملِ دعوت وارشاد عبادت ہے اور جہاد بھی۔داعی ومبلّغ اللہ کی طرف دعوت دے، اور اللہ کے دین سے بغاوت وسرتابی کرنے والوں کے ساتھ جہاد بھی کرے۔وہ حاملِ قرآن ہو اور شمشیربکف بھی۔ قرآنِ پاک کے معنیٰ میں غور وفکر اور تامّل وتدّبر کرے اوراسکے احکام کو طاقت |