مومن کی نماز

((ثُمَّ تَنَحّٰی مِنْ مَقَامِہٖ فَغَسَلَ قَدَمَیْہِ۔))[1]

’’پھر آپ صلی اللہ علیہ وسلم نے اس جگہ سے الگ ہو کر اپنے پاؤں مبارک دھوئے۔‘‘

14…خوشبو کا استعمال کرنا:

سیدہ عائشہ رضی اللہ عنہا بیان کرتی ہیں کہ

(( کَانَ النَّبِیُّ صلي اللّٰه عليه وسلم إِذَا اغْتَسَلَ مِنَ الْجَنَابَۃِ دَعَا بِشَیْئٍ نَحْوَ الْحِلَابِ۔)) [2]

’’آپ صلی اللہ علیہ وسلم جب غسل جنابت کرتے تو پھر خوشبومنگواتے اور استعمال کرتے۔‘‘

15…ہاتھوں سے جسم کوصاف کرنا:

سیدہ میمونہ رضی اللہ عنہا بیان کرتی ہیں کہ:

((فَنَاوَلْتُہٗ ثَوْبًا فَلَمْ یَأْخُذُہٗ فَانْطَلَقَ وَہُوَ یَنْفُضُ بِیَدَیْہِ ۔))[3]

’’میں نے آپ کو کپڑا دیا تو آپ نے اس کو نہ لیا بلکہ آپ اپنے ہاتھوں سے جسم (سے پانی) کو جھاڑتے ہوئے چلے گئے۔‘‘

بلکہ سیدہ میمونہ رضی اللہ عنہا بیان کرتی ہیں کہ:

((ثُمَّ أُتِیَ بِمِنْدِیْلٍ فَلَمْ یَنْفُضْ بِہَا۔))[4]

’’پھر آپ صلی اللہ علیہ وسلم کے پاس تولیہ لا یا گیا تو آپ صلی اللہ علیہ وسلم نے اس تولیہ کے ساتھ اپنا جسم مبارک خشک نہیں کیا۔‘‘