اصول فقہ(عثیمین)

﴿وَالْمُطَلَّقَاتُ یَتَرَبَّصْنَ بِأَنفُسِہِنَّ ثَلاَثَۃَ قُرُوَئٍ ﴾ (البقرہ:۲۲۸)

’’اور طلاق والی عورتیں تین حیض تک اپنے تئیں روکے رہیں ۔‘‘

اس کو اللہ تعالیٰ کے اس فرمان سے خاص کیا گیا ہے :

﴿یَا أَیُّہَا الَّذِیْنَ آمَنُوا إِذَا نَکَحْتُمُ الْمُؤْمِنَاتِ ثُمَّ طَلَّقْتُمُوہُنَّ مِن قَبْلِ أَن تَمَسُّوہُنَّ فَمَا لَکُمْ عَلَیْہِنَّ مِنْ عِدَّۃٍ تَعْتَدُّونَہَا﴾ (الاحزاب:۴۹)ٖ

’’مومنو! جب تم مومن عورتوں سے نکاح کر و؛پھراُن کو ہاتھ لگانے سے پہلے طلاق دیدو تو تم کو کچھ اختیار نہیں کہ اُن سے عدت پوری کراؤ ۔‘‘

کتاب اللہ کی سنت سے خاص ہونے کی مثال آیت ِ میرا ث سے ہے۔ اللہ تعالیٰ کا فرمان ہے :

﴿ یُوصِیْکُمُ اللّٰهُ فِیْ أَوْلاَدِکُمْ لِلذَّکَرِ مِثْلُ حَظِّ الأُنثَیَیْنِ﴾ (النساء:۱۱)

’’اللہ تمہاری اولاد کے بارے میں تمہیں ارشاد فرماتا ہے کہ ایک لڑکے کا حصہ دو لڑکیوں کے حصے کے برابر ہے۔‘‘

اور اس جیسی آیات کو رسول اللہ صلی اللہ علیہ وسلم کی اس حدیث سے خاص کیا گیا ہے :

((لا یرث المسلم الکافر ولا الکافر المسلم۔))[1]

’’ نہ کوئی مسلمان کسی کافر کا وارث بنے گا اور نہ ہی کافر مسلمان کا وارث بنے گا ‘‘[2]

اجماع سے کتاب اللہ کی تخصیص کی مثال : اللہ تعالیٰ کا یہ فرمان ہے:

﴿ وَالَّذِیْنَ یَرْمُونَ الْمُحْصَنَاتِ ثُمَّ لَمْ یَأْتُوا بِأَرْبَعَۃِ شُہَدَائَ فَاجْلِدُوہُمْ ثَمَانِیْنَ جَلْدَۃً ﴾ (النور:۴)