| حضرت اوس رضی اللہ عنہ کہتے ہیں میں نے صحابہ کرام رضی اللہ عنہم سے دریافت کیا’’آپ لوگ کس طرح قرآن ختم کرتے ہیں؟‘‘انہوں نے جواب دیا’’پہلے دن تین سورتیں،دوسرے دن پانچ سورتیں،تیسرے دن سات سورتیں،چوتھے دن نوسورتیں،پانچویں دن گیارہ سورتیں،چھٹے دن تیرہ سورتیں،اور ساتویں روز آخری منزل(حزب المفصل)(یعنی سات دنوں میں پوراقرآن ختم کرتے تھے)اسے ابن ماجہ نے روایت کیاہے۔ مسئلہ 296: حضرت عبداللہ بن مسعود رضی اللہ عنہ جناب جبرائیل علیہ السلام کے لہجے میں تلاوت فرمایا کرتے تھے۔ عَنْ عَبْدِ اللّٰہِ بْنِ مَسْعُوْدٍ رضی اللّٰه عنہ اَنَّ اَباَ بَکْرٍ رضی اللّٰه عنہ وَ عُمَرَ رضی اللّٰه عنہ بَشَّرَاہُ اَنَّ رَسُوْلَ اللّٰہِ صلی اللّٰه علیہ وسلم قَالَ ((مَنْ اَحَبَّ اَنْ یَقْرَأَ الْقُرْآنَ غَضَّا کَمَا اُنْزِلَ فَلْیَقْرَأْہُ عَلٰی قِرَأَۃِ ابْنِ اُمِّ عَبْدٍ )) رَوَاہُ ابْنُ مَاجَۃَ[1] حضرت عبداللہ بن مسعود رضی اللہ عنہ کہتے ہیں کہ حضرت ابوبکر صدیق رضی اللہ عنہ اور حضرت عمر رضی اللہ عنہ نے مجھے مبارک باد دی اور بتایا کہ نبی اکرم صلی اللہ علیہ وسلم نے فرمایا ’’جو شخص قرآن مجید کو اسی عمدہ طریقے سے تلاوت کرنا چاہے جس طریقہ سے وہ نازل ہواہے ، تو اسے چاہئے کہ ام عبداللہ (ابن مسعود رضی اللہ عنہ کی کنیت) جیسی قراء ت کرے۔‘‘ اسے ابن ماجہ نے روایت کیا ہے۔ وضاحت : ایک مرتبہ رسول اکرم صلی اللہ علیہ وسلم ، حضرت ابو بکر صدیق رضی اللہ عنہ اور حضرت عمرفاروق رضی اللہ عنہ کے ساتھ مسجد میں داخل ہوئے تو حضرت عبداللہ بن مسعود رضی اللہ عنہ نماز میں سورہ نساء تلاوت کررہے تھے۔ آپ صلی اللہ علیہ وسلم نے خوش ہو کر فرمایا ’’اللہ سے دعا کر ، دیا جائے گا۔‘‘ اس کے بعد وہ الفاظ ارشاد فرمائے، جو مذکورہ حدیث میں ہیں۔ (مسند احمد) مسئلہ 297: سورہ المرسلات نازل ہونے کے فوراً بعد حضرت عبداللہ بن مسعود رضی اللہ عنہ نے رسول اللہ صلی اللہ علیہ وسلم کی زبان مبارک سے سنی اور یاد کرلی۔ عَنْ عَبْدِ اللّٰہِ بْنِ مَسْعُوْدٍ رضی اللّٰه عنہ بَیْنَمَا نَحْنُ مَعَ رَسُوْلِ اللّٰہِ فِیْ غَارٍ اِذْ نَزَلَتْ عَلَیْہِ وَ الْمُرْسَلاَتِ فَتَلَقَّیْنَاہَا مِنْ فِیْہِ وَ اِنَّ فَاہُ لَرَطْبٌ بِہَا اِذَا خَرَجَتْ حَیَّۃٌ فَقَالَ رَسُوْلُ اللّٰہِ صلی اللّٰه علیہ وسلم ((عَلَیْکُمُ اقْتُلُوْہَا)) قَالَ : فَابْتَدَرْنَاہَا فَسَبَقَتْنَا قَالَ : فَقَالَ وُقِیَتْ شَرَّکُمْ کَمَا وُقِیْتُمْ شَرَّہَا |